महाराष्ट्र लोकसेवा आयोग म्हणजेच एमपीएससीच्या पुढील वर्षात (२०२४ मध्ये) घेण्यात येणाऱ्या विविध स्पर्धा परीक्षांचे अंदाजित वेळापत्रक (Tentative Timetable) आयोगाच्या अधिकृत संकेतस्थळावर प्रसिद्ध करण्यात आले आहे. त्यामुळे, स्पर्धा परीक्षेची तयारी करणार्या आणि सरकार दरबारी काम करण्यास इच्छुक उमेदवारांना तयारी करण्याच्या दृष्टीने ही महत्त्वाची बातमी ठरणार आहे.
खालील परीक्षांचा समावेश :
आयोगामार्फत जाहिरात करण्यात आलेल्या या वेळापत्रकानुसार, दिवाणी न्यायाधीश कनिष्ठ स्तर व न्याय दंडाधिकारी प्रथम वर्ग परीक्षांमध्ये दिवाणी न्यायाधीश कनिष्ठ सर्व न्याय दंडाधिकारी प्रथम वर्ग पूर्व परीक्षा, व मुख्य परीक्षा, महाराष्ट्र अराजपत्रित गट-ब व गट-क या पदांच्या परीक्षांचा समावेश असणार आहे.
उमेदवारांनी, सदर वेळापत्रक अंदाजित असून त्यामध्ये बदल होऊ शकतो हे लक्षात ठेवणे गरजेचे आहे. त्यामुळे सदर वेळापत्रकात काही बदल झाल्यास त्याबाबतची माहिती आयोगाच्या संकेतस्थळावर वेळोवेळी प्रसिध्द करण्यात येईल.
सदर वेळापत्रकाच्या बाबतीत उमेदवारांनी अधिक माहितीसाठी आयोगाच्या संकेतस्थळाला भेट देण्याचे आवाहन महाराष्ट्र लोकसेवा आयोगाच्या वतीने करण्यात आले आहे.
महाराष्ट्र लोकसेवा आयोगाचे सन २०२४ चे संपूर्ण वेळापत्रक (MPSC Timetable 2024) उपलब्ध असून त्या लिंकवरून वेळापत्रक डाउनलोड करून इच्छुक असलेल्या स्पर्धा परीक्षेची तयारी करू शकणार आहेत.
महत्त्वाच्या लिंक्स :
महाराष्ट्र लोकसेवा आयोग म्हणजेच एमपीएससीच्या २०२४ मधील परीक्षांचे वेळापत्रक पाहण्यासाठी येथे क्लिक करा.
महाराष्ट्र लोकसेवा आयोग म्हणजेच एमपीएससीच्या अधिकृत वेबसाइटला भेट देण्यासाठी येथे क्लिक करा.