पिंपरी चिंचवड,दि.२८:- पुण्यातील हिंजवडी येथील ओयो हॉटेलमध्ये एका तरुणीचा मृतदेह आढळल्यानं पिंपरी चिंचवड परिसरात खळबळ उडाली आहे. तरुणीची हत्या करण्यात आल्याची प्राथमिक माहिती समोर येत आहे.
Thank you for reading this post, don’t forget to subscribe!
या प्रकरणी पोलिसांनी एका व्यक्तीला ताब्यात घेतलं आहे. गुन्हा दाखल करण्याची प्रक्रिया सुरू असून अधिक तपास केला जात आहे.
याबाबत मिळालेली माहिती अशी की, हिंजवडी परिसरात ओयो हॉटेलमध्ये तरुणीचा मृतदेह आढळला. या तरुणीची मध्यरात्री गोळ्या झाडून हत्या केल्याची प्राथमिक माहिती समजते. हिंजवडी पोलीस घटनास्थळी दाखल झाले असून पुढील तपास करत आहेत. पोलिसांनी तरुणीच्या हत्येप्रकरणी एकाला ताब्यात घेतलं आहे. घटनेमागे प्रेम प्रकरणाचं कारण असल्याचा संशय पोलिसांना आहे.
साँफ्टवेअर इंजिनिअर असलेल्या तरुणीची ओयो हाँटेलमध्ये गोळ्या घालून हत्या करण्यात आलीय. लखनऊवरुन आलेल्या ऋषभ निगम याने तिची हत्या केली. यानंतर तो पळून मुंबईला जाण्याच्या प्रयत्नात होता. पण मुंबई पोलिसांनी त्याला नाकाबंदी करत अटक केली. गुन्ह्यात वापरले गेलेले पिस्टल देखील जप्त करण्यात आले आहे. पुढील तपास हिंजवडी पोलीस करत आहे