नागपूर : हिजड्यांच्या वेशात आलेल्या ६ जणांनी पुणे हटिया गाडीत प्रवाशांना लुटले. दहा जणांना बेदम मारहाण करून लुबाडल्याची धक्कादायक घटना आज पहाटे घडली. एका महिलेने पैसे नसल्याचे सांगितल्याने तिच्या एक वर्षाच्या मुलीला हिसकावल्याचे समोर आले आहे.
या गाडीतील प्रवाशांनी दिलेल्या माहितनुसार, 22845 पुणे हटिया ही गाडी बुधवारी सकाळी ११ वाजता पुण्यावरून निघाली. साधारण रात्री १२ वाजताच्या सुमारास वर्धा स्टेशनवर गाडी थांबली. सर्वात शेवटी असणाऱ्या जनरल कोचमध्ये ६ लुटारु चढले.
या गाडीतील प्रवाशांनी दिलेल्या माहितनुसार, 22845 पुणे हटिया ही गाडी बुधवारी सकाळी ११ वाजता पुण्यावरून निघाली. साधारण रात्री १२ वाजताच्या सुमारास वर्धा स्टेशनवर गाडी थांबली. सर्वात शेवटी असणाऱ्या जनरल कोचमध्ये ६ लुटारु चढले.
गाडी सुरू होताच सुरुवातीला टाळ्या वाजवत त्यांनी पैसे मागायला सुरूवात केली. प्रत्येकाने किमान ५०० रुपये द्यावे असे फर्मान त्यांनी सोडले, जे देत नव्हते त्यांना बेदम मारहाण केली जात होती. अशा प्रकारे किमान दहा जणांना मारहाण झाल्याची माहिती आहे.
एका महिलेने आपल्याजवळ पैसे नसल्याचे सांगताच तिची १ वर्षाची मुलगी त्यांनी हिसकावून घेतली, पैसे दे नाही तर या मुलीला घेऊन जाऊ, असे ते म्हणत होते, शेवटी अन्य प्रवाशांनी पैसे गोळा करून दिल्यावरच मुलीला सोडण्यात आले.
जवळपास दीड तास या गाडीत हा धुमाकूळ सुरू होता. रात्री दीड वाजताच्या सुमारास आजनी नागपूर दरम्यान गाडीचा वेग कमी झाला, तेव्हा सर्व लुटारू उतरून पळून गेले, यापैकी एकाच्या हाती पिस्तूल होते त्यामुळे घाबरून आम्ही विरोध केला नाही असे प्रवाशांचं म्हणणं आहे.
Read Latest Maharashtra Updates And Marathi News