एसबीआय पीओ भरतीच्या मुलाखतीची ही तारीख; हे आहे वेळापत्रक

SBI PO Interview 2023 : स्टेट बँक ऑफ इंडियाने SBI PO मुलाखत, गट ग्रुप एक्सरसाइज और साइकोमेट्रिक टेस्टच्या तात्पुरत्या तारखा जाहीर केल्या आहेत. मुख्य परीक्षेला बसलेले उमेदवार sbi.co.in या अधिकृत वेबसाइटवर मुलाखत फेरीच्या तारखा पाहू शकतात. वेळापत्रकानुसार, १६ जानेवारीपासून पीओ सायकोमेट्रिक चाचणी घेतली जाईल. तर, गट सराव (Group Practice) आणि वैयक्तिक मुलाखत (LHO केंद्रांवर) २१ जानेवारी २०२४ पासून आयोजित केली जाईल.

मुख्य परीक्षा ५ डिसेंबर २०२३ रोजी राज्यभरातील विविध परीक्षा केंद्रांवर घेण्यात आली होती. प्राथमिक परीक्षेत यशस्वीपणे उत्तीर्ण झालेल्या उमेदवारांनाच मुख्य परीक्षेला बसण्याची परवानगी होती.

अशी असणार निवड प्रक्रिया :

निवड प्रक्रियेच्या तिसऱ्या टप्प्यात
(i) सायकोमेट्रिक चाचणी (Psychometric Test)
(ii) गट चर्चा (Group Discussion)
(iii) मुलाखत (Interview) समाविष्ट आहे.

सायकोमेट्रिक चाचणी: तिसऱ्या टप्प्यात निवडलेल्या उमेदवारांची व्यक्तिमत्त्वे समजून घेण्यासाठी एसबीआयच्यावतीने सायकोमेट्रिक चाचणी घेतली जाणार आहे. परीक्षेचे निकाल सर्वसमावेशक मूल्यमापनासाठी मुलाखत पॅनेलला सादर केले जातील.

उमेदवारांनी फेज II आणि फेज III दोन्ही पास होणेआवश्यक आहे. अंतिम गुणवत्ता यादी तयार करण्यासाठी मुख्य परीक्षेचे (टप्पा-II) गुण, वस्तुनिष्ठ चाचणी आणि वर्णनात्मक चाचणी या दोन्ही टप्प्यांच्या गुणांसह एकत्रित ग्राह्य धरले जाणार आहेत. शिवाय, निवडीसाठी अंतिम गुणवत्ता यादीमध्ये प्राथमिक परीक्षेचे (टप्पा-I) गुण विचारात घेतले जाणार नाहीत.

टीप: फेज-II (मुख्य परीक्षा दोन्ही वस्तुनिष्ठ आणि वर्णनात्मक चाचणी) आणि फेज-III (ग्रुप एक्सारसाइज आणि मुलाखत) मधील उमेदवारांनी मिळवलेले गुण खाली दिलेल्या तपशिलानुसार १०० गुणांपर्यंत नॉर्मलाइज केले जातील.

रिक्त पदांचा तपशील :

रिक्त पदांबद्दल बोलायचे झाल्यास, SC प्रवर्गासाठी ३०० पदे, ST प्रवर्गासाठी १५० पदे, OBC प्रवर्गासाठी ५४० पदे, EWS वर्गासाठी २०० पदे, सामान्य श्रेणीसाठी ८१० पदे आणि अशा प्रकारे एकूण २००० पदांवर भरती केली जाईल.