मुंबई : नरिमन पॉइंटला लवकरच २५० चारचाकी मावतील, असा मोठा वाहनतळ होणार आहे. हा वाहनतळ चालविण्यासाठी मुंबई महानगर प्रदेश विकास प्राधिकरणाने (एमएमआरडीए) निविदा काढली आहे. याद्वारे एमएमआरडीएला मासिक किमान साडे आठ लाख रुपयांचा महसूल मिळणार आहे.
राज्य सरकारच्या वने व महसूल विभागाने सन १९९७मध्ये एमएमआरडीएला नरिमन पॉइंट येथे बॅक बे रिक्लेमेशन योजनेत ५,६६३ चौरस मीटर इतकी जागा भाडेतत्त्वावर दिली होती. ती जागा एमएमआरडीएने विकसित करण्यासाठी एल अॅण्ड टी क्रॉसरोड्स या कंपनीला भाडेतत्त्वावर दिली. त्यावर एकूण ११ माळ्यांची इमारत उभी करण्यात आली असून त्यातील तीन मजले हे व्यावसायिक उपयोगासाठीचे आहेत. उर्वरित आठ माळ्यांवर वाहनतळासाठीची जागा आहे. या सर्व आठ माळ्यांमधील वाहने (चारचाकी) उभी करण्याची क्षमता ५०० इतकी आहे. त्यातील २५० वाहनांचा हिस्सा एमएमआरडीएकडे असून तिसऱ्या ते सातव्या मजल्यादरम्यान हा वाहनतळ आहे. या २५० वाहनांचा तळ चालवण्यासाठी एमएमआरडीएने निविदा काढली आहे.
राज्य सरकारच्या वने व महसूल विभागाने सन १९९७मध्ये एमएमआरडीएला नरिमन पॉइंट येथे बॅक बे रिक्लेमेशन योजनेत ५,६६३ चौरस मीटर इतकी जागा भाडेतत्त्वावर दिली होती. ती जागा एमएमआरडीएने विकसित करण्यासाठी एल अॅण्ड टी क्रॉसरोड्स या कंपनीला भाडेतत्त्वावर दिली. त्यावर एकूण ११ माळ्यांची इमारत उभी करण्यात आली असून त्यातील तीन मजले हे व्यावसायिक उपयोगासाठीचे आहेत. उर्वरित आठ माळ्यांवर वाहनतळासाठीची जागा आहे. या सर्व आठ माळ्यांमधील वाहने (चारचाकी) उभी करण्याची क्षमता ५०० इतकी आहे. त्यातील २५० वाहनांचा हिस्सा एमएमआरडीएकडे असून तिसऱ्या ते सातव्या मजल्यादरम्यान हा वाहनतळ आहे. या २५० वाहनांचा तळ चालवण्यासाठी एमएमआरडीएने निविदा काढली आहे.
या निविदेनुसार, तिसऱ्या व चौथ्या मजल्यावर प्रत्येकी ५७, पाचव्या व सहाव्या मजल्यावर प्रत्येकी ६६ आणि सातव्या मजल्यावर चार वाहने उभी करण्याची जागा असेल. ज्या इमारतीत हा वाहनतळ आहे, ती जागा अत्याधुनिक उद्वाहन, सरकते जिने, पाच वातानुकूलित सिनेमागृह, १९ दुकाने व फूड कोर्टने सुसज्ज आहे. या ठिकाणी येणारे ग्राहक या वाहनतळाचा उपयोग करतील. त्यादृष्टीने मासिक किमान ८ लाख ४५ हजार २५० रुपये महसूल एमएमआरडीएला अपेक्षित आहे. २५ जानेवारी ही निविदेची अखेरची तारीख आहे.