अक्षय शिंदे, जालना : जालन्यातील औद्योगिक वसाहतीतील स्टील कंपन्यांमध्ये गेल्या दोन दिवसापासून केंद्रीय जीएसटी विभागाकडून झाडाझडती सुरू आहे. गुजरातमधून आलेल्या भंगाराची बनावट बिलांच्या आधारे खरेदी केल्याच्या संशयावरून नागपूरच्या पथकाकडून ही झडती घेण्यात आलीय. दोन दिवसात १० ते १२ जणांच्या पथकाकडून ही तपासणी सुरू असून एका कंपनीचे रेकॉर्ड देखील पथकाने जप्त केल्याची माहिती मिळतेय.
गुजरातहून बनावट बिलाआधारे पाठवलेले भंगार स्टील कंपन्यांनी घेतल्याने जीएसटीचे पथक तीन दिवसांपासून जालन्यात चौकशीसाठी ठाण मांडून आहे. १० ते १२ उच्चपदस्थ अधिकारी स्टील कंपन्यांची झाडाझडती घेत आहेत. बुधवारी दोन कंपन्यांमध्ये पथकाने छापे टाकले. तर सायंकाळी छत्रपती संभाजीनगर रोडवरील एका कंपनीत भंगाराची वाहने, वजनकाटा सील केला. रात्री उशिरापर्यंत पथकांकडून तपासणी सुरू होती.
गुजरातहून बनावट बिलाआधारे पाठवलेले भंगार स्टील कंपन्यांनी घेतल्याने जीएसटीचे पथक तीन दिवसांपासून जालन्यात चौकशीसाठी ठाण मांडून आहे. १० ते १२ उच्चपदस्थ अधिकारी स्टील कंपन्यांची झाडाझडती घेत आहेत. बुधवारी दोन कंपन्यांमध्ये पथकाने छापे टाकले. तर सायंकाळी छत्रपती संभाजीनगर रोडवरील एका कंपनीत भंगाराची वाहने, वजनकाटा सील केला. रात्री उशिरापर्यंत पथकांकडून तपासणी सुरू होती.
पथक रविवारी पहाटे ६ वाजेदरम्यान जालना एमआयडीसीत धडकले. संभाजीनगर महामार्गापासून हाकेच्या अंतरावरील एका बड्या स्टील कंपनीत छापा टाकला. पहाटे ६ ते दुसऱ्या दिवशी पहाटे ३ वाजेपर्यंत तब्बल २१ तास ही कारवाई सुरू होती. त्यानंतर पथकाने करमाडजवळील एका हॉटेलमध्ये जेवण करून, सोमवारी दिवसभर विश्रांती घेतली. मंगळवारी पुन्हा जालन्यात येऊन चाचपणी केली. तर बुधवारी रेकॉर्ड जप्त केले.
रविवारी, सोमवारी उत्पादन ठेवले बंद
सर्वप्रथम रविवारी ज्या कंपनीत कार्यवाही करण्यात आली त्या कंपनीतील उत्पादन रविवार व सोमवार दोन्ही दिवस बंद ठेवण्यात आले. तर बुधवारीही एकच शिफ्ट चालवण्यात आली. दरम्यान, अधिकारी रेकॉर्ड घेऊन गेलेले असल्यामुळे त्यांच्या तपासणीतून काय बाहेर येते याची उत्सुकता आहे.