पुणे : पुण्यातील एका पोलिस निरीक्षकाच्या मुलीने ३१ डिसेंबरच्या रात्री राडा घातला. राहत्या सोसायटीत झालेल्या वादातून हा प्रकार घडल्याची माहिती आहे. पुण्यातील वानवडी परिसरात ही घटना घडली.
संबंधित पोलिस निरीक्षक सध्या पुणे पोलिस आयुक्तालयाअंतर्गत सेवेत आहे. घटनेच्या दिवशी निरीक्षक ड्युटीवर होते. त्यावेळी रात्रीच्या वेळेला काही कारणावरून मुलीचा त्यांच्या शेजाऱ्यांशी वाद झाला. वादाचे रूपांतर मारहाणीत झाले.
संबंधित पोलिस निरीक्षक सध्या पुणे पोलिस आयुक्तालयाअंतर्गत सेवेत आहे. घटनेच्या दिवशी निरीक्षक ड्युटीवर होते. त्यावेळी रात्रीच्या वेळेला काही कारणावरून मुलीचा त्यांच्या शेजाऱ्यांशी वाद झाला. वादाचे रूपांतर मारहाणीत झाले.
सोसायटीच्या परिसरात संबंधित मुलगी आणि अन्य रहिवासी जमा झाले. त्यानंतर तिने हातात दगड घेऊन सोसायटीतील महिलांच्या मागे धाव घेतली. त्यामुळे परिसरात गोंधळाचे वातावरण होते.
दरम्यान, काही नागरिकांनी पोलिसांना, तसेच तिच्या वडिलांना घटनेची माहिती दिली. स्थानिक पोलिस ठाण्यातील कर्मचारी घटनास्थळी दाखल झाले. त्यांनी तिला समजावण्याचा प्रयत्न केला असता, तिने त्यांच्याशी देखील उद्धट वर्तन केले.
त्या नंतर तिच्या वडिलांनी फोन करून, तिला शांत करण्याचा प्रयत्न केला. तेव्हा ती वडिलांशी देखील असभ्य भाषेत बोलली. या प्रकरणी अद्याप गुन्हा दाखल झालेला नाही.
Read Latest Maharashtra Updates And Marathi News