या दिवशी प्रवेशपत्र उपलब्ध होणार; २१ जानेवारीला होणार परीक्षा

CBSE CTET 2024 Admit Card : केंद्रीय माध्यमिक शिक्षण मंडळ (CBSE) द्वारे १९ जानेवारी २०२४ रोजी १८ व्या केंद्रीय शिक्षक पात्रता परीक्षेसाठी (CTET) प्रवेशपत्र जारी केले जाईल. उमेदवारांना त्यांचा अर्ज क्रमांक आणि जन्मतारीख वापरून अधिकृत वेबसाइट – ctet.nic.in वरून त्यांचे प्रवेशपत्र डाउनलोड करण्याची परवानगी देण्यात आली आहे. CBSE लवकरच त्यांच्या अधिकृत वेबसाइटवर परीक्षा शहराची माहिती स्लिप जारी करू शकते. सदर परीक्षा २१ जानेवारी २०२४ रोजी होणार आहे. CTET परीक्षेच्या वेळा, प्रवेशपत्राचे तपशील आणि ते कसे डाउनलोड करायचे याबद्दल अधिक माहिती खाली देण्यात आली आहे.

२१ जानेवारी रोजी होणारी CTET 2024 परीक्षा दोन शिफ्टमध्ये घेतली जाईल. पहिली शिफ्ट सकाळी ९.३० वाजता सुरू होईल आणि दुपारी १२ वाजता संपेल. तर, दुसरी शिफ्ट दुपारी २.३० ते ५ वाजेपर्यंत चालेल. उमेदवारांनी परीक्षा सुरू होण्याच्या १२० मिनिटे आधी परीक्षा केंद्रावर पोहोचावे, असा सल्ला देण्यात आला आहे.
सीटीईटी प्रवेशपत्र २०२४ डाउनलोड करण्यासाठी :

पायरी १ : पहिल्या चरणात तुम्हाला अधिकृत वेबसाइट ctet.nic.in वर जावे लागेल.

पायरी २ : यानंतर, CTET जानेवारी अ‍ॅडमिट कार्ड २०२४ किंवा परीक्षा सिटी स्लिप डाउनलोड लिंक लिहिलेला टॅब शोधा.

पायरी ३ : तिसऱ्या चरणात विचारलेले सर्व तपशील प्रविष्ट करावे लागतील.

पायरी ४ : तपशील भरल्यानंतर, तुम्ही सर्व तपशील योग्यरित्या भरले आहेत याची खात्री करा आणि तुम्हाला आवश्यक वाटणारे कोणतेही बदल करा.

पायरी ५ : यानंतर डाउनलोड पर्यायावर क्लिक करा आणि नंतर परीक्षा हॉलमध्ये प्रवेशपत्र घेऊन जाण्यासाठी तुमच्या प्रवेश कार्ड प्रिंट करा.

पायरी ६ : उमेदवारांनी त्यांचे कार्ड डाउनलोड केल्यानंतर, त्यांना त्यांचे नाव, फोटो, स्वाक्षरी इत्यादी सर्व तपशीलांची पडताळणी करावी लागेल.

प्रवेशपत्रात काही चूक आढळल्यास लवकरात लवकर CBSE ला कळवा.