या प्रकरणी श्वेता संदीप आगरवाल (रा. एनआयबीएम रस्ता, महंमदवाडी) यांनी कोंढवा पोलीस ठाण्यात तक्रार दिली आहे. त्यावरून रूपेश चव्हाण (३५), सागर शेजूळ (३७), राजू बिंद्रा (४०) आणि सॅम्युएल (५, चौघे रा. एनआयबीएम रस्ता, महमंदवाडी) यांच्यावर गुन्हा दाखल करण्यात आला आहे. पोलिसांनी दिलेल्या माहितीनुसार, आरोपी आणि तक्रारदार एकाच सोसायटीत राहतात. आगरवाल दाम्पत्य रात्री नऊच्या सुमारास सोसायटीतील जिममध्ये गेले होते.
त्यावेळी सोसायटीतील ‘ए’ आणि ‘बी’ इमारतीतील रहिवाशांना जिम वापरण्यास मनाई करण्यात आली असल्याचे आरोपींनी त्यांना सांगितले. आगरवाल दाम्पत्याला व्यायामशाळेत येण्यास मनाई केली. त्यानंतर आरोपींनी आगरवाल दाम्पत्याला शिवीगाळ केली. आरोपी सागर, राजू, सॅम्युएल यांनी संदीप यांना पकडले. तर, आरोपी रूपेशने संदीप यांच्या डोळ्यावर गज मारला. दरम्यान, या प्रकरणाचा व्हिडिओ समाज माध्यमात व्हायरल झाला आहे. उपनिरीक्षक वैभव सोनवणे तपास करत आहेत.
पूर्ववैमनस्यातून ताडीवाला रस्ता परिसरात एका तरुणावर धारदार हत्याराने हल्ला केल्याची घटना घडली. या घटनेत तरुण गंभीर जखमी झाला असून, त्याला ससून रुग्णालयात दाखल करण्यात आले आहे. अक्षय सातपुते (३०, रा. ताडीवाला रस्ता) असे जखमी झालेल्या तरुणाचे नाव आहे. या प्रकरणी सातपुतेने बंडगार्डन पोलीस ठाण्यात तक्रार दिली आहे. त्यावरून गोपी कर्णिक आणि अन्य दोघांवर गुन्हा दाखल करण्यात आला आहे. पोलिसांनी दिलेल्या माहितीनुसार, नवरात्रौत्सवात तक्रारदाराचे आरोपींशी भांडण झाले होती. त्या वेळी आरोपींनी त्याला मारहाण केली होती. शनिवारी पहाटे साडेतीनच्या सुमारास ताडीवाला रस्ता परिसरातील लडकतवाडी परिसरातून तक्रारदार आणि त्याचा भाचा यश सोनवणे जात होते. त्या वेळी आरोपींनी पुन्हा त्यांच्यावर हल्ला केला. यश पळाल्याने बचावला. आरोपींनी अक्षयवर तीक्ष्ण शस्त्राने वार केले.