पुणे,दि.१० :- पुणे शहरात काही बुलेटचालक बुलेटच्या सायलेन्सरमध्ये मॉडिफाइड करून कर्णकर्कश आवाज करीत फिरणाऱ्या बुलेटस्वारांची संख्या वाढत आहे
Thank you for reading this post, don’t forget to subscribe!
यातून ध्वनी प्रदूषणही माेठ्या प्रमाणावर हाेत आहे. त्यामुळे पुणे शहर वाहतूक पोलिसांनी दोन दिवसांत ५७१ बुलेटवर कारवाई केली.
वाहतूक पोलिसांनी येरवडा वाहतूक पोलिस कार्यालय येथे जप्त सायलेन्सरवर बुलडोझर फिरवला. यापुढेदेखील कारवाई सुरू राहणार असून, यापुढे सायलेन्सरमध्ये मॉडिफाइड करून कर्णकर्कश आवाज कराल तर खबरदार, असा इशारा वाहतूक शाखेचे पोलिस उपायुक्त शशिकांत बोराटे यांनी दिली शुक्रवारी पत्रकार परिषदेत दिला. आता वाहतूक शाखा ॲक्शन मोडवर आली असून, विविध प्रकारचे नियमभंग करणाऱ्यावर कारवाईची मोहीम हाती घेण्यात आली आहे.
नागरिकांनो, येथे करा तक्रार
नियमबाह्य पद्धतीने सायलेन्सरमध्ये बदल करणे, इतर वाहतूक नियमभंग करणाऱ्यांबाबत तक्रार करण्यासाठी नागरिकांनी ८०८७२४०४०० या व्हॉट्सॲप नंबरवर संपर्क करावा, असे आवाहन वाहतूक शाखेने केले आहे.