नो पार्किंग व्यवस्थेतील बदलाबाबत पुण्यात तात्प

पुणे दि. ८ : वाहतूक सुरक्षित व सुरळीतपणे सुरू राहण्याकरीता पुणे शहरातील वारजे वाहतूक विभागांतर्गत नो पार्किंग व्यवस्थेत बदल करण्याचे तात्पुरते आदेश जारी करण्यात आले आहेत.

Thank you for reading this post, don’t forget to subscribe!

महर्षी कर्वे स्त्री शिक्षण संस्थेची रमा पुरुषोत्तम शाळेच्या आऊट गेट-लक्ष्मी माता मंदिर ते भाजी मंडई (पंढरी निवास इमारत/श्री क्लिनिक समोर) मावळे आळी कडून कमिन्स चौकाकडे जाणाऱ्या रस्त्यावर डाव्या बाजूस ७५ मीटर भागात सर्व प्रकारच्या वाहनांना नो-पार्किंग करण्यात येत आहे.

वाहतूक बदलाबाबत या तात्पुरत्या आदेशाच्या अनुषंगाने नागरिकांच्या काही सूचना व हरकती असल्यास पोलीस उपआयुक्त, वाहतूक नियंत्रण शाखा, येरवडा पोस्ट ऑफिस, बंगला क्रमांक ६, जेल रोड, पुणे यांच्या कार्यालयात २१ फेब्रुवारीपर्यंत लेखी स्वरूपात कळविण्यात याव्यात. नागरिकांच्या सूचना व हरकतीवर विचार करून व अत्यावश्यक सेवेतील वाहने खेरीज करून वाहतूक बदलाबाबत अंतिम आदेश निर्गमित करण्यात येतील, असे पोलीस उपआयुक्त शशिकांत बोराटे यांनी कळविले आहे.