बाल्टीमोरच्या अग्निशमन दलाने दिलेल्या माहितीनुसार, एका मोठ्या मालवाहू जहाजाने मंगळवारी या पूलाला धडक दिली. विशेष म्हणजे या घटनेचा व्हिडिओ सोशल मीडियावर व्हायरल होत आहे. या घटनेनंतर तातडीने मदत आणि बचाव कार्य सुरू करण्यात आले.
मेरीलँडच्या वाहतूक प्राधिकरणाने सर्व चालकांना अन्य मार्गाने प्रवास करण्याची विनंती केली आहे. ज्या मार्गावर हा पूल पडला आहे त्या ठिकाणी जाऊ नये असे आवाहन करण्यात आले आहे. नदीच्या दोन्ही बाजूने रस्ता बंद करण्यात आला आहे. वाहतूक अन्य मार्गाने वळवण्यात आली आहे. पोलिसांनी दिलेल्या माहितीनुसार मोठ्या संख्येने लोक नदीत पडले आहेत.
पूल पूर्णपणे कोसळला असून मोठ्या संख्येने लोक नदीत पडल्याच्या वृत्ताला बाल्टीमोरच्या अग्निशमन दलाने या वृत्ताला दुजारा दिला आहे. या अपघातात किती जणांचा मृत्यू झाला हे अद्याप समजू शकले नाही. पटाप्सको नदीवरील पुल हा ३ किमी लांब होता.
शहराचे महापौर एम स्कॉट यांनी दिलेल्या माहितीनुसार, अपघाताच्या ठिकाणी मोठ्या प्रमाणात मदत आणि बचाव कार्य सुरू आहे. ही घटना रात्री दीडच्या सुमारास झाली. संबंधित मालवाहतूक जहाज बाल्टीमोर येथून जात होते आणि तेव्हा हा अपघात झाला. आमचे लक्ष्य हे मदत आणि बचाव कार्यावर आहे.
अमेरिकेतील माध्यमांनी दिलेल्या वृत्तानुसार, हा अमेरिकेतील एक महत्त्वाचा पूल आहे. हा पुल फक्त बाल्टीमोर परिसरासाठी नाही तर जे लोक वॉशिंग्टन आणि न्यूयॉर्कला जायचे त्यांच्यासाठी हा पूल महत्त्वाचा ठरत असे. दिवसा या पूलावरून मोठ्या संख्येने वाहतूक होते.