करीना कपूरच्या Crew चा मोठा फटका ‘स्वातंत्र्यवीर सावरकर’ सिनेमाला, नवव्या दिवशी किती झाली कमाई?

मुंबई: अभिनेता रणदीप हुड्डा त्याच्या एखाद्या सिनेमासाठी जीव ओतून काम करण्यासाठी ओळखला जातो. ‘सरबजीत’, ‘हायवे’, ‘एक्स्ट्राक्शन’ या सिनेमात अभिनेत्याने उत्तम अभिनय केला आहे. एवढंच नव्हे तर या प्रत्येक भूमिकेसाठी शारिरीक कष्ट घेतले आणि उपाशीही राहिला होता. आता अभिनेता ‘स्वातंत्र्यवीर सावरकर’ या सिनेमामधून विनायक दामोदर सावरकर यांच्या भूमिकेतून प्रेक्षकांच्या भेटीला आला आहे. २२ मार्च रोजी प्रदर्शित झालेल्या या सिनेमाने बॉक्स ऑफिसवर आतापर्यंत किती कमाई केली आहे, हे घ्या जाणून…

‘स्वातंत्र्यवीर सावरकर’ सिनेमाचे बॉक्स ऑफिस कलेक्शन

‘स्वातंत्र्यवीर सावरकर’ सिनेमाने पहिल्या आठवड्यात ११.३५ कोटी रुपयांचे कलेक्शन होते, परंतु दुसऱ्या वीकेंडमध्ये सिनेमाला आणखी चांगला प्रतिसाद मिळाला आहे. शुक्रवारी या चित्रपटाने १.१ कोटी रुपयांची कमाई केली आणि शनिवारी चित्रपटाच्या कमाईत सुमारे ३० टक्क्यांची वाढ पाहायला मिळाली.

बॉक्स ऑफिसचे आकडे सांगणाऱ्या Sacnilk या वेबासाइटवरील सुरुवातीच्या अंदाजानुसार शनिवारी या सिनेमाने सुमारे १.५ कोटींची कमाई केली आहे. त्यामुळे आतापर्यंत ‘स्वातंत्र्यवीर सावरकर’ या चित्रपटाने १३.९५ कोटींची कमाई केली आहे.

‘तुम्हाला हवी तेवढी दारू प्या पण…’ भर कार्यक्रमात यो यो हनी सिंगचा चाहत्यांना सल्ला

पहिल्या दिवसापासून सिनेमाची कमाई

पहिला दिवस (२२ मार्च २०२४)- ०१.०५ कोटी
दुसरा दिवस (२३ मार्च २०२४)- ०२.२५ कोटी
तिसरा दिवस (२४ मार्च २०२४)- २.७० कोटी
चौथा दिवस (२५ मार्च २०२४)-०२.१५ कोटी
पाचवा दिवस (२६ मार्च २०२४)- ०१.०५ कोटी
सहावा दिवस (२७ मार्च २०२४)- ०१.०० कोटी
सातवा दिवस (२८ मार्च २०२४)- ०१.१५ कोटी
आठवा दिवस (२९ मार्च २०२४)- ०१.१० कोटी
नववा दिवस (३० मार्च २०२४)- ०१.०५ कोटी

‘क्रू’ सिनेमाचा फटका

जरी ‘स्वातंत्र्यवीर सावरकर’ सिनेमाने पहिल्या दिवसापासून १ कोटीहून अधिक कमाई करण्यामध्ये सातत्य राखले असले, अलीकडेच प्रदर्शित झालेल्या ‘क्रू’ सिनेमाचा या सिनेमाच्या कमाईला फटका बसल्याचे दिसते. तबू, करीना कपूर खान आणि क्रिती सेनॉन स्टारर या सिनेमाने अवघ्या २ दिवसात १९ कोटीचा गल्ला जमवला आहे. रविवारी हा सिनेमा अधिक कमाई करुन ३० कोटींचा आकडा गाठेल, अशीही अपेक्षा व्यक्त केली जात आहे.

याशिवाय अजय देवगण-माधवनचा ‘शैतान’ आणमि कुणाल खेमूचा ‘मडगाव एक्सप्रेस’ या चित्रपटांनीही बऱ्यापैकी बॉक्स ऑफिसवर पकड मिळवली आहे. त्यामुळेही ‘स्वातंत्र्यवीर सावरकर’ सिनेमाच्या कमाईवर परिणाम होतो आहे.