भारतीय विद्यार्थिनी अटकेत, इस्रायलविरोधी निदर्शने केल्याप्रकरणी कारवाई

वृत्तसंस्था, न्यूयॉर्क : इस्रायलविरोधी निदर्शने केल्याप्रकरणी भारतीय विद्यार्थिनीला प्रिस्टन विद्यापीठातून बडतर्फ करण्यात आले आहे. तसेच, तिला अटक करण्यात आल्याचेही सांगण्यात आले. अचिंत्या शिवलिंगन असे या विद्यार्थिनीचे नाव आहे. तिचा जन्म कोइंबतूर येथे झाला असून, कोलंबसमध्ये वाढली आहे.

अचिंत्या आणि अन्य एका विद्यार्थ्याला विद्यापीठातून बडतर्फ करण्यात आले असून, त्यांच्यावर शिस्तभंगाची कारवाई करण्यात आल्याचे विद्यापिठाच्या प्रवक्त्याने सांगितले. गाझा पट्टीमध्ये इस्रायलकडून सहा महिन्यांपासून हल्ले होत आहेत. त्याच्याविरोधात अमेरिकेतील शिक्षण संस्थांमध्ये निदर्शनांना सुरुवात झाली आहे. काही ठिकाणी आंदोलकांनी विद्यापीठाच्या आवारामध्ये तंबू ठोकून ठिय्या मारला आहे. प्रिस्टन विद्यापीठातही काही विद्यार्थ्यांनी गुरुवारी सकाळी आंदोलनाला सुरुवात केली. विद्यापीठाने त्यांना रोखले होते.
अमेरिकेत पोलिसांच्या गोळीबारात भारतीयाचा मृत्यू, ‘हिट अ‍ॅंड रन’ प्रकरणात अटक करताना घटना
अचिंत्या व अन्य एका विद्यार्थ्याला अटक करण्यात आली. ‘विद्यापीठ प्रशासनाने सूचना केल्यानंतरही विद्यार्थ्यांनी आंदोलन सुरू ठेवले, तर त्यांच्यावर कडक कारवाई होईल,’ असे विद्यापीठाचे उपाध्यक्ष डब्ल्यू. रोशेल कोल्हन यांनी सांगितले होते.