Oppo A60 ची किंमत
Oppo A60 कंपनीनं व्हिएतनाम मध्ये सादर केला आहे. फोन दोन कॉन्फिगरेशनमध्ये आला आहे. पहिला ८ जीबी रॅम, आणि १२८ जीबी स्टोरेज व्हेरिएंट आहे. ज्याची किंमत ५,४९०,००० VND अर्थात सुमारे १८,००० रुपये आहे. दुसरा व्हेरिएंट ८ जीबी रॅम, आणि २५६ जीबी स्टोरेजसह ६,४९०,००० VND म्हणजे जवळपास २१,००० रुपयांमध्ये खरेदी करता येईल. हा फोन कंपनीनं ब्लू पर्पल, आणि ब्लू कलरमध्ये लाँच केला आहे.
Oppo A60 चे स्पेसिफिकेशन्स
Oppo A60 मध्ये ६.६७ इंचाचा आयपीएस एलसीडी डिस्प्ले देण्यात आला आहे, हा एचडी प्लस रिजॉल्यूशन असलेला पॅनल आहे. ज्याचे रिजॉल्यूशन १६०४ x ७२० पिक्सल आहे. फोनमध्ये ९०हर्ट्झ रिफ्रेश रेट देण्यात आला आहे आणि ९५० निट्स पीक ब्राइटनेस देखील मिळते. यात सिक्योरिटीसाठी साइड माउंटेड फिंगरप्रिंट स्कॅनर मिळतो.
Oppo A60 फोन ६नॅनोमीटर प्रोसेसिंगवर बनलेल्या स्नॅपड्रॅगन ६८० ४जी चिपसेटसह आला आहे. जोडीला ८ जीबी एलपीडीडीआर४एक्स रॅम देण्यात आला आहे. यात १२८ जीबी आणि २५६ जीबी स्टोरेजचे ऑप्शन मिळतात. ही स्टोरेज १टीबी पर्यंत देखील वाढवता येते ज्यासाठी यात मायक्रोएसडी कार्डचा सपोर्ट देण्यात आला आहे. कलर ओएस १४ वर चालणारा हा फोन अँड्रॉइड १४ आधारती आहे.
फोनच्या मागे ड्युअल कॅमेरा सेटअप आहे. यातील मुख्य कॅमेरा ५० मेगापिक्सलचा आहे, सोबत २ मेगापिक्सलचा आणखी सेन्सर मिळतो. सेल्फी आणि व्हिडीओ कॉलिंगसाठी यात फ्रंटला ८ मेगापिक्सलचा कॅमेरा देण्यात आला आहे.
Oppo A60 चे वजन १८६ ग्राम आहे. याची जाडी ७.६८मिमी आहे. धूळ आणि पाण्यापासून सुरक्षित राहण्यासाठी यात कंपनीनं आयपी५४ रेटिंग दिली आहे. चांगल्या साउंडसाठी फोनमध्ये ड्युअल स्पिकर आहेत. त्याचबरोबर ३.५मिमी हेडफोन जॅक देखील आहे. फोनमध्ये ५०००एमएएचची बॅटरी आहे जी ४५वॉट फास्ट चार्जिंगला सपोर्ट करते.