अखिलेश-डिंपल यांच्याकडे स्वत:चे एकही वाहन नाही; दोघांची मिळून संपत्ती आहे इतके कोटी

लखनौ: सध्या देशात लोकसभा निवडणुकीचे वारे वाहत असून पहिल्या टप्यातील प्रचार सभा आज थंडावत आहेत. त्यासोबतच तिसऱ्या टप्प्यातील निवडणूक आधिसुचना या आगोदरच निघाल्या असून सर्व राजकीय पक्षांच्या उमेदवारांकडून उमेदवारी अर्ज भरले जात आहेत. उमेदवारी अर्जासोबत नियमानुसार आपल्या संपत्तीचे विवरण सुद्धा प्रत्येक उमेदवाराला द्यावे लागते. त्यानुसार आता उमेदवारांची संपत्ती बाहेर येत असून उत्तर प्रदेशचे माजी मुख्यमंत्री अखिलेश यादव व त्यांच्या पत्नी डिंपल यादव यांची संपत्ती सार्वजनिक झाली आहे.

डिंपल यांची संपत्ती कोटींच्या घरात

अखिलेश यादव यांच्या पत्नी डिंपल यादव यांनी उत्तर प्रदेशच्या मैनपुरी येथून आपला उमेदवारी अर्ज भरला आहे. त्यांनी आपल्या उमेदवारी अर्जासोबत आपल्या संपत्तीची माहितीही दिली आहे. त्यानूसार डिंपल यांची संपत्ती १५.५ कोटी दाखवण्यात आली आहे. डिंपल यांच्याकडे १०.४४ कोटी स्थावर मालमत्ता असून ५.१० कोटींची जंगम मालमत्ता आहे. तसेच त्यांच्याकडे ५७ हजार रूपये रोख रक्कम आहेत.डिंपल यांना दागदागिन्यांची आवड असून त्यांच्याकडे २.७७४ किलोग्रॅम सोनं आहे. २०३ ग्रॅमचे मोती असून ६० हजार रूपयांचा हिरा आहे. डिंपल यांच्यावर कोणताही गुन्हा दाखल नसल्याचे प्रतिज्ञापत्रात म्हटले आहे.
कोण आहेत पल्लवी डेम्पो? १ हजार ४०० कोटींची संपत्ती, दुबई-लंडनमध्ये अपार्टमेंट; या मतदारसंघातून भरला अर्ज
अखिलेश यांची संपत्ती किती ?

अखिलेश यादव यांचा मोदी सरकारवर निशाना; ‘अबकी बार ४०० पार’ चा नारा

उत्तर प्रदेशचे माजी मुख्यमंत्री अखिलेश यादव यांची एकूण संपत्ती २६ कोटी ३४ लाख रूपये आहे. यातील १७.२२ कोटी स्थावर तर ९.१२ कोटी रूपयांची जंगम मालमत्ता आहे.अखिलेश यांच्याकडे २५ लाख ७१ हजार रोख रक्कम असून त्यांच्याकडे ७६ हजार रूपयांचा मोबाईल फोन आहे तर ५.३४ लाखांच्या व्यायामांचे मशिन आहेत. अखिलेश यांच्यावर २५.४० लाख कर्ज असून डिंपल यांच्यावर ७४.४४ लाख रूपयांचे कर्ज आहे. विशेष म्हणजे या दोन्ही दांपत्याकडे कुठलेही वाहन नाही.