चीनच्या सर्वोच्च इंटरनेट रेग्युलेटर सायबरस्पेस ॲडमिनिस्ट्रेशन ऑफ चायना (CAC) ने राष्ट्रीय सुरक्षेच्या कारणास्तव हा निर्णय घेतला आहे असे सांगण्यात आले आहे. या कारवाईच्या प्रत्युत्तरात, ॲपलने कितीही मतभेद असले तरीही ते उपलब्ध असलेल्या देशांमधील राष्ट्रीय कायद्याचे पालन करण्यासाठी आम्ही कटिबद्ध आहेत असे स्पष्ट केले आहे.
केवळ चीनमध्ये बंदी
न्यूज एजन्सी रॉयटर्सच्या रिपोर्टनुसार (एनडीटीव्हीद्वारे), व्हॉट्सॲप आणि थ्रेड्स चीनमधील ॲपल कंपनीच्या ॲप स्टोअरमधून हटवण्यात आले आहेत. आश्चर्याची गोष्ट म्हणजे देशाच्या इंटरनेट रेग्युलेटरने राष्ट्रीय सुरक्षेचा हवाला देत दोन्ही ॲप्स काढून टाकल्याचे सांगितले. या बदलानंतर, टेक जायंट ॲपल स्पष्ट केले की हे दोन्ही ॲप्स केवळ चीनमध्ये उपलब्ध असणार नाहीत, तर हे ॲप्स इतर देशांमध्ये डाउनलोडसाठी उपलब्ध राहतील.
व्हर्च्युअल प्रायव्हेट नेटवर्क (VPN)चा वापर करून परदेशात उपलब्ध असलेल्या सोशल मिडिया प्लेटफॉर्मवर प्रवेश करणे बेकायदेशीर आहे. मात्र असे असूननही काही यूजर्स या ॲप्समध्ये थेट प्रवेश करतात. ॲपलच्या ॲप स्टोअरद्वारे या प्लॅटफॉर्म्सवर प्रवेश करण्याचे इतर मार्ग शोधतात.विविध परदेशी ॲप्स आणि प्लॅटफॉर्मवर प्रवेश प्रतिबंधित करून चीनने भूतकाळात परदेशी डेव्हलपर्सवर कठोर कारवाई केली आहे. असे असूनही, जाणकार वापरकर्ते ॲपलच्या ॲप स्टोअरद्वारे प्रतिबंधित प्लॅटफॉर्मवर प्रवेश करण्याचे इतर मार्ग शोधतात.
Apple साठी चीन महत्त्वाची बाजारपेठ
Apple कंपनीसाठी चीन ही महत्त्वपूर्ण बाजारपेठ आहे. राष्ट्रीय सुरक्षेच्या कारणावरून चीनमधील टेक क्षेत्रात तणाव निर्माण झाल्याचे दिसते. मात्र चीनने व्हॉट्सॲप आणि थ्रेड्स हटवल्यामुळे थेट या देशांमधील राजकीय मतभेदाचे हे पडसाद असल्याचे चिन्हांकित होते.
चीनची कारवाई काठोर असली तरी याची वेळ मात्र चर्चेचा विषय ठरली आहे. चीनमधील ॲप्सना अमेरिकेत चौकशीचा सामना करावा लागत आहे. अमेरिकेत होणाऱ्या तंत्रज्ञानाच्या प्रगतीसमोर नेहमी चीन प्रयत्नात असल्याचे दिसले आहे.