बंगालच्या निवडणुकीत वापरले सॅटेलाइट फोन कसे करतात काम? जाणून घ्या किंमत

बंगालच्या निवडणुकीत सॅटेलाइट फोनचा वापर केला जात आहे, ज्याची खूप चर्चा सुरु आहे. परंतु त्यामुळे तुम्हाला देखील प्रश्न पडला असेल की सॅटेलाइट फोनमध्ये अशी कोणती टेक्नॉलॉजी वापरली जाते ज्यामुळे हे निवडणुकीच्या वेळी वापरले जातात. तसेच सॅटेलाइट फोन कशाप्रकारे काम करतात? आणि सामान्य फोन आणि सॅटेलाइट फोनमध्ये फरक काय? चला जाणून घेऊया.

सॅटेलाइट फोन मधील टेक्नॉलॉजी

या फोनमध्ये कॉलिंग किंवा इंटरनेटसाठी मोबाइल टॉवरची आवश्यकता नसते. हा फोन थेट सॅटेलाइटशी कनेक्ट होतो. त्यामुळे तुम्ही कोणत्याही मोबाइल नेटवर्कविना कॉल करता येतो, तसेच इंटरनेट सर्व्हिसचा वापर करू शकता. सॅटेलाइट कनेक्टिव्हिटी सॅटेलाइट्सच्या नेटवर्कच्या माध्यमातून मिळते. जो सेल फोनला डायरेक्ट सॅटेलाइटशी कनेक्ट करतो आणि या नेटवर्कवर कंपन्यांचे नियंत्रण असते.

सॅटेलाइट कनेक्टिव्हिटी म्हणजे काय

पृथ्वी जवळच्या कक्षेत सॅटेलाइट पाठवले जातात. हे सॅटेलाइट थेट मोबाइलशी कनेक्ट होऊ शकतात. या कनेक्टिव्हिटीला इंटरनेट बीम असं म्हटलं जातं.

सॅटेलाइट कनेक्टिव्हिटीचे फायदे

या टेक्नॉलॉजीमध्ये युजर्सना सेल टावरची आवश्यकता नसते. त्यामुळे संपूर्ण जगभरात चांगली कनेक्टिव्हिटी मिळते. या टेक्नॉलॉजीच्या मदतीनं वाइड रेंज नेटवर्क मिळतो. तसेच कॉल ड्रॉपची समस्या देखील येत नाही. यात मोबाइलच्या तुलनेत खूप चांगला सिग्नल मिळतो.

सॅटेलाइट फोनचा जास्त वापर समुद्रात काम करणारे खलाशी आणि मच्छीमार करतात. तिथे नेटवर्क कनेक्टिव्हिटी नसल्यामुळे सॅटेलाइटच्या मदतीनं जमिनीवरील लोकांशी संपर्क साधता येतो. तसेच संकटांच्या वेळी मदत मिळवण्यासाठी देखील फायदा होतो. निवडणुकीच्या काळात यांचा वापर जिथे मोबाइल नेटवर्क नाही अश्या दुर्गम ठिकाणी केला जातो.

तोटे कोणते?

सॅटेलाइट फोन खूप महागडे असतात. तसेच सॅटेलाइट कनेक्टिव्हिटीसाठी वेगळं सब्सक्रिप्शन घ्यावं लागतं, ज्याची किंमत खूप जास्त असते. तसेच सॅटेलाइट फोन खराब वातावरणात काम करत नाहीत. त्यामुळे कॉलिंग आणि इंटरनेटसाठी खूप खर्च होतो. सॅटेलाइट फोन वापरण्यासाठी सरकार कडून परवानगी घ्यावी लागते कारण यामुळे देशाच्या सुरक्षेला धोका असतो.