व्हिसा नियमांच्या उल्लंघनप्रकरणी १२ भारतीयांना ब्रिटनमध्ये अटक, नेमकं काय घडलं?

वृत्तसंस्था, लंडन : व्हिसा नियमांचे उल्लंघन करणे व कारखान्यात बेकायदा काम केल्याच्या संशयावरून ब्रिटनच्या इमिग्रेशन अधिकाऱ्यांनी ११ पुरुष आणि एका महिलेसह १२ भारतीयांना अटक केली आहे.ब्रिटनच्या अधिकाऱ्यांनी याबाबतचे निवेदन बुधवारी जाहीर केले. इंग्लंडच्या पश्चिम मिडलँड्स भागातील गादी कारखान्यात बेकायदा काम सुरू असल्याची माहिती गुप्तचर विभागाला मिळाली होती. त्यानुसार छापा टाकून सात पुरुषांना अटक करण्यात आली. तर, जवळच्या केक बनवण्याच्या कारखान्यातून आणखी चार भारतीयांना अटक करण्यात आली.
सहा हजार भारतीय श्रमिक इस्रायलमध्ये जाणार, कारण काय?
या सर्वांनी ब्रिटनच्या व्हिसा नियमांचे उल्लंघन केल्याचे आणि एक जण बेकायदा काम करत असल्याचे आढळून आले आहे. तर, एका महिलेला व्हिसा नियमांचे उल्लंघन केल्याप्रकरणी खासगी घरातून अटक करण्यात आली.

ताब्यात घेतलेल्या चार जणांची ब्रिटनमधून हकालपट्टी केली जाईल अथवा त्यांची भारतात पाठवणी केली जाईल. यावर अद्याप निर्णय घेण्यात आलेला नाही. तर, उर्वरित आठ जणांना नियमितपणे कार्यालयात हजर राहण्याच्या अटीवर जामीन देण्यात आला आहे.
घरातून निघाला तो परतलाच नाही, महिनाभराने बॉडी सापडली, भारतीय विद्यार्थ्यासोबत अमेरिकेत काय घडलं?
संबंधित कारखान्यात बेकायदेशीर कामगार, कामावर ठेवल्याचा आरोप सिद्ध झाल्यास आणि आवश्यक रोजगार पूर्व चाचण्या घेतल्या नसतील, तर दोन्हीसाठी त्यांना दंड होऊ शकतो. अधिकाऱ्यांनी दिलेल्या माहितीनुसार, चार जणांना ब्रिटनमधून बाहेर काढलं जाऊ शकतं. तर इतर आठ जणांना नियमितपणे गृह कार्यालयात रिपोर्ट करण्याच्या अटीवर जामीन मंजूर करण्यात आला आहे.