LSST कॅमेरा ठरेल गेम चेंजर, १५ किमी अंतरावरून कॅप्चर करेल गोल्फचा चेंडू

पृथ्वीच्या बाहेरील दृश्य कसे असेल हे अनेकांना बघण्याची उत्सुकता असते. माध्यमांवर उपलब्ध असलेले अंतराळातील फोटोज बघून आपण ही इच्छा पूर्ण करतो. पण आता वैज्ञानिकांनी यावर तोडगा शोधून काढला आहे. त्यांनी अविश्वनीय झुम पॉवर असलेला कॅमेरा तयार केला आहे. आपल्यापासून तसेच या ग्रहापासून दूरवरचे दृश्य आपल्याला सहज कैद करता येणार आहे. अवकाश परीक्षणासाठी या यंत्राचा वापर करण्यात येईल. हा शक्तिशाली सूक्ष्मदर्शक जिटल कॅमेरा तब्बल ३,२०० मेगापिक्सेलचा आहे.

तब्बल ३ टन वजनाचा कॅमेरा

यूएस ऑफिस ऑफ सायन्सने आपल्या ब्लॉगमध्ये म्हटले आहे की LSST डिजिटल कॅमेरा खगोलशास्त्रातील गेम-चेंजर ठरणार आहे. यामुळे दूरवर असलेले डार्क दृश्य देखील कॅप्चर करता येणार आहे. LSST सह, तंत्रज्ञानात नवी क्रांती घडून आली आहे. हा शक्तिशाली डिजिटल कॅमेरा चिली येथील व्हेरा सी. रुबिन वेधशाळेत ठेवण्यात येणार आहे.
..तर मोबाईलनेही काढता येतील कॅमेऱ्यासारखे फोटोज, या ५ सेटिंग्जमुळे तुमच्या फोटोग्राफीला मिळेल प्रोफेशनल दर्जा
कॅमेरा दक्षिणेकडील आकाश कॅप्चर करेल, कारण शास्त्रज्ञांच्या मते, हे क्षेत्र अंतराळात डोकावून पाहण्यासाठी योग्य आहे. LSST या कॅमेऱ्याचे वजन ३ टन इतके आहे, ज्याचा व्यास सुमारे ५ फूट इतका आहे. याव्यतिरिक्त, हा कॅमेरा कमालीचा वेगवान आहे, १५ सेकंदांपेक्षा कमी एक्सपोजर वेग देण्यात आला आहे.

LSST हा डिजिटल कॅमेरा विक्रमी वेळेत रात्रीच्या आकाशातील विशाल भागाचे निरीक्षण करू शकतो, असे या ब्लॉगमध्ये म्हटले आहे. तसेच, सहा विशेष फिल्टरसह, शास्त्रज्ञ अल्ट्राव्हायोलेटपासून अतिशय दूरवरील अंतराचा देखील यशस्वीपणे अभ्यास करू शकतात. कॅमेराद्वारे घेण्यात आलेला एक फोटो चंद्राच्या ७ पटीने अधिक विस्तृत असणार आहे. हा कॅमेरा बनवण्यासाठी दोन दशकांहून अधिक काळ लागला.