आधी १० वर्ष कारावासाची शिक्षा सुनावली, नंतर आरोपीचं कोर्टातच लग्न लावलं, न्यायाधीशांचा अजब निर्णय

न्यूयॉर्क: आपण अनेकदा न्यायालयात न्यायाधीशांकडून ऐतिहासिक आणि धाडसी निर्णय घेतल्याचे ऐकलं आणि वाचलंही असेल. त्या निर्णयांचे मोठ्या प्रमाणात कौतुकही होते. परंतु याच न्यायाधीशांकडून असे काही निर्णय घेतले जातात, ज्यामुळे आश्चर्याचा धक्काच बसतो. असाच एक निर्णय न्यूयॉर्क न्यायालयात घेण्यात आला आहे. एका आरोपीला १० वर्षांची शिक्षा सुनावली असून त्याचे लग्न देखील लावून देण्यात आले आहे. या निर्णयाबाबत लोकांडून आश्चर्य व्यक्त करण्यात आलं आहे.
काश्मिरात लवकरच विधानसभा निवडणूक, मुख्य निवडणुक आयुक्तांची गॅरंटी

नेमकं काय आहे प्रकरण?

अमेरिकेतील ओहायो या राज्यात राहणाऱ्या अँथनी सँटियागोला (३५) या व्यक्तीने बंदुकीचा धाक दाखवत घरफोडी केली आहे. या सोबतच मे २०२२ मध्ये सँटियागोलाने याने मलिक शाबाज आणि क्लीव्हलँड या मित्रांसोबत एक कार चोरली होती. तसेच या दरोडेखोर टोळीने एका महिलेच्या घरावर दरोडा टाकत तिच्यावर जीवघेणा हल्ला केल्याचे सांगण्यात येत आहे. या सर्व आरोपांखाली न्यूयॉर्क न्यायालयाचे न्यायाधीश मेलिना मॅकगिनिगल यांनी १० वर्षांची तुरुंगवासाची शिक्षा सुनावली आहे. परंतु शिक्षा सुनावल्या बरोबरच त्याचे लग्नसुद्धा लावून देण्यात आले आहे.

आरोपी अँथनी सँटियागोला अटक करण्याआधी त्याचे लग्न ठरले होते. आपला होणारा पती जर चोर असेल तर कोणती मुलगी त्याच्याशी लग्न करेल? असा प्रश्न आपल्याला पडत असतो. परंतु सँटियागोलाच्या होणाऱ्या भावी पत्नीने मला त्याच्याबरोबर लग्न करण्यास कोणतीही अडचण नसल्याचं म्हटले आहे. तिच्या याच निर्णयाचा विचार करून न्यायाधीश मेलिना मॅकगिनिगल यांनी दोघांचे लग्न लावून दिले आहे. त्यामुळे अँथनी सँटियागोला १० वर्षांची शिक्षा भोगून आल्यानंतर त्याच्या पत्नीला सोबत राहता येणार आहे. न्यायाधीशांच्या या अजब निर्णयाची जगभरात चर्चा सुरू आहे.

यापूर्वीही घडलं होतं असं प्रकरण

दरम्यान, यापूर्वी डिसेंबर २०२२ मध्ये २० वर्षांची शिक्षा भोगत असलेल्या बलात्काराच्या आरोपाखाली अटक करण्यात आलेल्या लिओनेल या कैद्याचे व्हर्जिनियाच्या तुरुंगात गेम्मा मॉर्गन या तरुणीशी विवाह लावून देण्यात आला होता.