चिमुकलीचा गुदमरुन मृत्यू
सुरुवातीच्या प्राथमिक तपासात मुलीला श्वास घेण्यास त्रास होत असावा, असा डॉक्टरांचा अंदाज आहे. मात्र त्याकडे कोणी लक्ष दिलं नाही. खातौली पोलीस ठाण्याचे हेड कॉन्स्टेबल भरतराज गुर्जर यांनी सांगितलं की, तीन वर्षांच्या मुलीचा कारमध्ये झोपेत गुदमरल्याने मृत्यू झाला. कुटुंबीयांनी कोणत्याही प्रकारची पोलिस कारवाई करण्यास नकार दिला आहे. चिमुकलीचा मृतदेह कुटुंबीयांच्या ताब्यात देण्यात आला.
कारजवळ पोहोचले, पण तोपर्यंत सारं काही संपलेलं…
कोटा शहरातील विज्ञान नगर येथील रहिवासी प्रदीप नागर हे पत्नी आणि दोन मुलींसह खातौली पोलीस स्टेशन हद्दीतील जोरावरपुरा गावात लग्नासाठी गेले होते. गावात पोहोचल्यावर त्यांनी गाडी पार्क केली. गाडीमध्ये त्यांची लेक गर्वी झोपली होती. पालकांनी एका मुलीला गाडीतून बाहेर काढलं आणि लग्न समारंभाला गेले. प्रदीप यांनी याबाबत बोलताना सांगितलं, की आपली पत्नी मुलीला घेऊन बाहेर पडली असेल. तर पत्नीलाही आपल्या पतीने झोपलेल्या मुलीला कारबाहेर काढलं असेल, असं वाटलं.
मात्र यात त्यांची चिमुकली कारमध्येच राहिली. लग्न झाल्यानंतर ज्यावेळी दोघं एकमेकांसमोर आले, त्यावेळी दोघांनी एकमेकांना आपल्या लेकीबद्दल विचारलं. त्यानंतर दोघं पळत जात कारजवळ पोहोचले. कारमध्ये पण मुलगी बुशुद्ध अवस्थेत निपचित पडली होती. तिचा मृत्यू झाला होता.