शूज व्यापाऱ्याच्या घरावर छापा, नोटा मोजता-मोजता अधिकारीही चक्रावले; रात्रभर आयकर विभागाकडून कारवाई

आग्रा : आयकर विभागाच्या तपास शाखेने चप्पल, बूट विक्रेत्याच्या घरावर छापेमारी केली. हरमिलाप ट्रेडर्सच्या रामनाथ डंग यांच्या जयपूर हाऊसच्या घरावर अधिकाऱ्यांनी छापा टाकला. या छापेमारीमध्ये कोट्यवधींची रोख रक्कम जप्त करण्यात आली आहे. छापेमारीमध्ये समोर आलेली रक्कम इतकी होती की मोजण्यासाठी मशिन्स मागवाव्या लागल्या. रात्री उशिरापर्यंत मशिन्स आणण्याचे काम सुरू होते. या छापेमारीतील काही फोटो सोशल मीडियावर व्हायरल झाले आहेत. फोटोमध्ये एक बेड दिसत असून त्या बेडवर कोट्यवधींची रोख रक्कम दिसत आहे.

हरमिलाप ट्रेडर्सचे मालक रामनाथ डांग यांचं जयपूरमध्ये घर आहे. शनिवारी सकाळी ११ वाजता आयकर विभागाचं पथक तीन चप्पल व्यापाऱ्यांच्या विविध १२ ठिकाणी पोहोचलं होतं. त्यावेळी आयकर विभागाची टीम जयपूर हाऊसमधील हरमिलाप ट्रेडर्सच्या रामनाथ डंग यांच्या निवासस्थानीही पोहोचले. त्यानंतर त्यांनी घराची तपासणी केली.
सिंगापूर-हाँगकाँगनंतर नेपाळमध्येही भारतीय मसाल्यांवर बंदी, निर्यात घटण्याची भीती; जाणून घ्या काय आहे कारण
सुत्रांनी दिलेल्या माहितीनुसार, आयकर विभागाच्या टीमने घराची तपासणी केली त्यावेळी घरातून ६० कोटी रुपये जप्त केले आहेत. आयकर विभागाच्या टीममधील अधिकाऱ्यांनी आधी हाताने पैसे मोजणी केली, त्यानंतर नोटा मोजण्याच्या काही मशीन्स मागवण्याचे आदेश देण्यात आले. घरात इतक्या नोटा होत्या, की या अधिकारीही चक्रावले. रात्री १०.३० वाजेपर्यंत दहाहून अधिक मशिन्स मागवण्यात आल्या होत्या. अनेक नोटा ५०० रुपयांच्या होत्या.
महिलांनी बोलण्यात गुंतवलं पण दुकानदाराला संशय; तेवढ्यात बॅगेतून पेंडंट पडलं आणि बिंग फुटलं

रात्री १० वाजेपर्यंत ६० कोटींहून अधिक रक्कम जप्त केल्याची माहिती सुत्रांनी दिली आहे. व्यावसायिकाच्या घरात मशीन वापरून नोटा मोजण्याचे काम सुरू होतं. रात्री १०.३० वाजता टेंट हाउसचे कर्मचारी एका लोडिंग टेम्पोमध्ये गाद्या आणि उशा घेऊन आले. बाहेर तैनात सुरक्षा कर्मचारी आणि कर्मचाऱ्यांना गाद्या देण्यात आल्या होत्या. जयपूर हाऊसमधील व्यापारी रामनाथ डंग यांच्या घरी आयकर विभागाचे पथक पोहोचलं, त्यावेळी जवळच्या घरांचे दरवाजेही बंद होते. रात्री उशिरापर्यंत त्यांच्या घराचे गेटही उघडले नाही. व्यावसायिकाच्या आजूबाजूच्या घरांचे दरवाजेही सायंकाळपासून बंद होते.