Xiaomi Mix Flip ची रियल लाइफ इमेज लीक झाली आहे त्यामुळे बाजारात चर्चा सुरु झाली आहे. फोनचा रियर पॅनल दिसत आहे. Weibo वर शेयर करण्यात आलेल्या पोस्टमध्ये फोनमध्ये ड्युअल कॅमेरा दिसत आहे, त्याचबरोबर ड्युअल LED फ्लॅश देखील आहे. इथे Leica लोगो देखील दिसत आहे. म्हणजे कंपनीनं कॅमेऱ्यासाठी Leica सोबत भागीदारी केली आहे. याआधी कंपनीच्या अनेक आणि डिवाइसमध्ये देखील ही भागेदारी दिसली आहे. फोनचा दुसरा अर्धा भाग गोल्डन फिनिशसह आला आहे. इथे पॅनलच्या बॉटमला Xiaomi चा लोगो दिसत आहे.
शाओमी मिक्स फ्लिप बाबत आतापर्यंत जास्त माहिती समोर आलेली नाही परंतु चर्चा जोरदार सुरु आहे. फोन बाबत अंदाज लावला जात आहे की हा ५० मेगापिक्सलच्या प्रायमरी कॅमेऱ्यासह येऊ शकतो ज्यात ऑप्टिकल इमेज स्टॅबिलायजेशनचा सपोर्ट असेल. त्याचबरोबर Omnivision OV60A ½.8 सेन्सर इथे मिळू शकतो जो 2X टेलीफोटो कॅमेऱ्याचे काम करेल. तसेच फोनमध्ये वायरलेस चार्जिंग असल्याचे देखील सांगण्यात आलं आहे.
हा डिव्हाइस वॉटर रेजिस्टंट रेटिंगसह येईल. प्रोसेसरसाठी यात Snapdragon 8 Gen 3 चिपसेट दिला जाऊ शकतो. इतकेच नव्हे तर, शाओमीच्या या आगामी फोल्डेबल फोनमध्ये सॅटेलाइट कनेक्टिव्हिटीचा सपोर्ट देखील दिला जाऊ शकतो. जो सध्याच्या प्रीमियम फ्लॅगशिप डिवाइसेस मध्ये एक कॉमन फीचर ठरत आहे. परंतु भारतात हा डिवाइस येणायची शक्यता खूप कमी आहे. हा नवीन फोल्डेबल युरोप, तुर्की इत्यादी देशांमध्ये लाँच केला जाऊ शकतो परंतु भारतीयांच्या भेटीला हा डिवाइस येण्याची शक्यता कमी आहे.