Apara Ekadashi 2024 : अपरा एकादशी कधी? भगवान विष्णूचे नामस्मरण कसे कराल? जाणून घ्या शुभ मुहूर्त आणि तिथी

Apara Ekadashi 2024 Tithi :

प्रत्येक महिन्यातील शुक्ल आणि कृष्ण पक्षात एकादशीची तिथी साजरी केली जाते. ही एकादशी तिथी भगवान विष्णुला समर्पित आहे. त्यामुळे यादिवशी मनोभावे पूजा केल्याने भगवान विष्णू प्रसन्न होतात असे म्हटले जाते.

वैशाख महिन्यातील कृष्ण पक्षातील एकादशी तिथीला अपरा एकादशी साजरी केली जाते. या दिवशी भगवान विष्णू आणि माता पार्वतीची पूजा केली जाते. तसेच उपवासही केला जातो.

अपरा एकादशीचे व्रत केल्याने आपण केलेली पापे नष्ट होतात. या दिवशी भगवान विष्णूची आराधना केल्याने जीवनातील अनेक संकटापासून मुक्ती मिळते. अपरा एकादशी कधी आहे? भगवान विष्णूचे नामस्मरण कसे करायचे? जाणून घ्या शुभ मुहूर्त आणि तिथी सविस्तर

1. अपरा एकादशी तिथी

हिंदू पंचागानुसार वैशाख महिन्यातील कृष्ण पक्षातील एकादशी तिथीला २ जून सकाळी ०५.०४ वाजता सुरु होईल आणि ३ जून ला रात्री ०२. २१ मिनिटांनी संपेल. त्यामुळे एकादशीचे व्रत २ जून ला केले जाईल.

2. अपरा एकादशीचे महत्त्व

अपरा एकादशीचे व्रत केल्याने पापांचा अंत होतो असे म्हटले जाते. हे व्रत केल्याने व्यक्तीला अनेक प्रकारचे रोग, दोष आणि आर्थिक समस्यांपासून मुक्ती मिळते. या व्रताच्या प्रभावाने पुण्य प्राप्त होते असे म्हटले जाते. हे व्रत केल्याने भगवान विष्णू व्यक्तीच्या जीवनातील सर्व दु:ख आणि संकटे दूर होतात. विष्णु पुराणानुसार यादिवशी मनोभावे पूजा केल्याने स्वर्गप्राप्ती होते.

3. अपरा एकादशी पूजा पद्धत

1. ज्योतिषशास्त्रानुसार अपरा एकादशीच्या दिवशी दक्षिणावर्ती शंखामध्ये गाईचे दूध टाकून भगवान विष्णूचा अभिषेक करा. असे केल्याने अपेक्षित परिणाम मिळतील. तुमच्या जीवनात आनंद येईल.
2. आर्थिक संकटांचा सामना करत असाल तर एकादशीच्या दिवशी संध्याकाळी घराच्या प्रत्येक भागात दिवा लावा. यामुळे भगवान विष्णु आणि देवी लक्ष्मी प्रसन्न होते. त्यामुळे घरात कधीही पैशांची कमतरता भासत नाही.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.