मुख्यमंत्र्यांनी दिली माहिती
स्मार्टफोन बनवण्याचे कंत्राट Dixon Technologiesला देण्यात आले असले तरी भारतात प्रथमच मोठे पॅकेजेस वाहून नेऊ शकणारे ड्रोन बनवण्याचा विचार केला जात आहे. गुगलची कंपनी Wingला मोठे ड्रोन बनवायचे आहेत. मात्र यात किती गुंतवणूक केली जाईल आणि किती प्रमाणात प्रोडक्शन केले जाईल याची माहिती अद्याप देण्यात आलेली नाही. तामिळनाडूचे मुख्यमंत्री एमके स्टॅलिन यांनी सांगितले की, टेक कंपनी गुगल आता फॉक्सकॉनसोबत आपले अल्ट्रा-प्रिमियम Pixel स्मार्टफोन प्रथमच तामिळनाडूमध्ये तयार करण्यासाठी पार्टनरशिप करणार आहे.
Foxconnसोबत करण्यात येईल पार्टनरशिप
स्टॅलिन यांनी एका निवेदनात म्हटले आहे की, ‘ Pixel मोबाईल फोन तयार करण्यासाठी Google तमिळनाडूमध्ये फॉक्सकॉनसोबत पार्टनरशिप करणार आहे. कंपनीने आता हा कारखाना सुरू करण्याची तयारी सुरू केली आहे. सूत्रांनी दिलेल्या माहितीनुसार, गुगल भारतातूनही स्मार्टफोन एक्सपोर्ट करणार आहे. न्यूज एजन्सी पीटीआयने एका सूत्राच्या हवाल्याने सांगितले की, ‘डिक्सन कॉम्पल इलेक्ट्रॉनिक्ससोबत पार्टनरशिप करुन Pixel स्मार्टफोन बनवणार आहे. कॉम्पल इलेक्ट्रॉनिक्स ही कंपनी Google प्रोडक्ट्स तयार करते.
दुसऱ्या एका सूत्राने सांगितले की, सप्टेंबर महिन्यापासून भारतात प्रोडक्शन सुरू होईल आणि प्रोडक्शन स्टेबल झाल्यावर एक्सपोर्ट सुरू होईल. या विषयी गुगल आणि फॉक्सकॉनला ई-मेल पाठवून त्यांची प्रतिक्रिया मागवण्यात आली, मात्र सध्या तरी कोणताही प्रतिसाद मिळालेला नाही. कंपनीने ऑक्टोबरमध्ये भारतात Pixel स्मार्टफोन तयार करण्याची योजना जाहीर केली होती.
दर महिन्याला 1 लाख फोनचे प्रोडक्शन केले जाईल
कंपनी दर महिन्याला 1 लाखाहून अधिक Google Pixel स्मार्टफोन तयार करेल, त्यापैकी 25-30 टक्के एक्सपोर्ट करण्यात येईल. काउंटरपॉईंट रिसर्चने मार्च 2024 च्या तिमाहीत भारतीय स्मार्टफोन मार्केटमध्ये Google Pixel चा वाटा 0.04 टक्के असण्याचा अंदाज वर्तवला आहे.