Buddha Jayanti Purnima 2024
वैशाख महिन्याच्या शुक्ल पक्षातील तिथीला बुद्ध पौर्णिमा किंवा वैशाख पौर्णिमा साजरी केली जाते. या पौर्णिमेला पिंपळ पौर्णिमा असेही म्हटले जाते. यंदा ही पौर्णिमा २३ मे २०२४ रोजी असणार आहे.
धार्मिक मान्येतनुसार बुद्ध पौर्णिमा ही भगवान बुद्धांच्या जीवनातील तीन महत्त्वाच्या गोष्टींमुळे विशेष मानली जाते. या दिवशी बुद्धांचा जन्म, बुद्धांना ज्ञान प्राप्ती आणि बुद्धांचे निर्वाण झाले होते. भगवान गौतम बुद्धांचा जन्म या दिवशी झाला होता तसेच त्यांना ज्ञान प्राप्ती देखील या दिवशी झाली होती.
पुराणांमध्ये असे म्हटले आहे की, भगवान विष्णूचा नववा अवतार गौतम बुद्धांना मानले जाते. महात्मा गौतम बुद्ध हे बौद्ध धर्माचे संस्थापक होते. त्यांचे खरे नाव हे सिद्धार्थ होते. त्यांचा जन्म हा इ.स पूर्व ५६३ मध्ये झाला. गौतम बुद्धांनी त्यांच्या जीवनात लोकांना त्यांनी अहिंसा आणि करुणेची भावना शिकवली. त्यांचे अनमोल विचार आजही लोकांना यशस्वी बनवण्यासाठी अनेकांना प्रेरणा देतात. जर तुम्हालाही तुमच्या आयुष्यात धैर्य, ज्ञानप्राप्ती आणि दु:खातून दूर व्हायचे असेल तर महात्मा गौतम बुद्धांचे हे अनमोल विचार कायम लक्षात ठेवा.
गौतम बुद्ध म्हणतात की, आयुष्यात हजारो लढाई जिंकण्यापेक्षा स्वत:वर विजय मिळवणे केव्हा ही चांगले. जर आपण स्वत:वर नियंत्रण मिळवला तर विजय हा निश्चित होतो.
महात्मा गौतम बुद्ध म्हणतात की, जो माणूस जसा विचार करतो तो तसाच बनतो. जर आपण वाईट विचार केला किंवा वागलो तर आपण तसेच बनत जाऊ. माणसाने शुद्ध विचाराने बोलले किंवा कार्य करायला हवे. ज्यामुळे जीवनात आनंद मिळेल.
वाईटाने वाईट गोष्टी कधीच संपत नाही. ते संपवण्यासाठी नेहमी मनात प्रेम भावना असायला हवी. जगातील कोणतीही गोष्ट प्रेमाने सहज जिंकता येते.
भविष्याची स्वप्ने बघताना त्यात अडकू नका त्यावर विचार करा. भूतकाळाची आठवण करुन पश्चाताप करण्यापेक्षा वर्तमानात आनंदी राहाण्याचा प्रयत्न करा.
गौतम बुद्धांच्या मते जंगली प्राण्याला घाबरण्यापेक्षा कपटी आणि दृष्ट मित्राला घाबरायला हवे. जंगली प्राणी शरीराला हानी पोहोचवू शकतो. पण वाईट मित्र तुमच्या बुद्धीला हानी पोहोचवतो.
ज्या क्षणांपासून तुम्ही स्वत:वर प्रेम करायला शिकाल तेव्हापासून तुम्ही कधीही कोणाला दुखावू शकत नाही.