Mohini Ekadashi 2024 Date :
हिंदू धर्मात प्रत्येक दिवसाला विशेष असे महत्त्व आहे. त्यात एकादशी तिथीला अधिक पूजनीय मानले जाते. या तिथीला भगवान विष्णूची पूजा केल्याने अनेक शुभ परिणाम मिळतात.
या दिवशी लक्ष्मीची यथायोग्य पूजा करण्याची देखील परंपरा आहे. मोहिनी एकादशी ही वैशाख महिन्याच्या शुक्ल पक्षातील एकादशी तिथीला येते. ही एकादशी मोहिनी एकादशी म्हणून ओळखली जाते. या दिवशी भगवान विष्णूनी मोहिनीचा अवतार घेतला होता असे म्हटले जाते.
ज्योतिषशास्त्रानुसार या दिवशी व्रत केल्याने अनेक शुभ फळे मिळतात. तसेच सर्व पापांचा नाश देखील होतो. यंदा ही एकादशी १९ मे २०२४ ला साजरा केली जाणार आहे. या तिथीला अनेक शुभ योग देखील तयार होत आहे. या काळात भगवान विष्णूची विधिवत पूजा केल्याने शुभ फळ मिळते.
हिंदू पंचांगानुसार मोहिनी एकादशी १८ मे २०२४ ला सकाळी ११ वाजून २३ मिनिटांनी सुरु होईल तर १९ मे २०२४ ला दुपारी १ वाजून ५० मिनिटांनी संपणार आहे. त्यामुळे तिथीनुसार १९ मे ला एकादशीचे व्रत केले जाईल. या दिवशी पूजा करताना भगवान विष्णुला कोणते फूल अर्पण करायला हवे जाणून घेऊया.
1. कमळाचे फूल
कमळाचे फूल भगवान विष्णूंचे सर्वात आवडते फूल मानले जाते. हे फूल शुद्धता, ज्ञान आणि सौंदर्याचे प्रतिक आहे. हे अर्पण केल्याने व्यक्तीला शुभ फल मिळू शकते. तसेच जीवनातील अनेक अडथळे दूर होतील.
2. चंपाचे फूल
भगवान विष्णूला चंपाचे फूल अर्पण केल्याने त्या व्यक्तीला सुख, समृद्धी आणि सौभाग्य प्राप्त होते. हे फूल शुभाचे प्रतिक मानले जाते. तसेच हे फूल अर्पण केल्याने व्यक्तीला अपेक्षित असे परिणाम मिळतात. त्यांच्या आयुष्यात सकारात्मक ऊर्जा संचारु शकते.
3. मोगऱ्याचे फूल
भगवान विष्णूला मोगऱ्याचे फूल प्रिय आहे. हे फूल अर्पण करणे फायदेशीर ठरु शकते. हे फूल शांततेचे प्रतिक मानले जाते. यामुळे धनाची प्राप्ती होते. तसेच जीवनात चांगली बातमी देखील मिळेल.
4. गुलाबाचे फूल
असे म्हटले जाते की, भगवान विष्णूला गुलाबाचे फूल अधिक आवडते. हे अर्पण केल्याने व्यक्तीला सुख-समृद्धीचे आशीर्वाद मिळतात. जीवनातील अनेक समस्याही दूर होतात. याशिवाय व्यक्तीला ग्रह दोषांपासूनही आराम मिळू शकतो.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.