SMS आणि Whatsappद्वारे लिंक पाठवून ग्राहकांची होतेय फसवणूक, SBIने दिला सतर्क राहण्याचा इशारा

स्टेट बँक ऑफ इंडियाने (SBI) आपल्या ग्राहकांना सावधानतेचा इशारा दिला आहे. बँकेने ग्राहकांना फोनवर आलेल्या फसवणुक करणाऱ्या मेसेजेसपासून सावध राहण्यास सांगितले आहे. बँकेने Xवर पोस्ट केले आहे की सायबर गुन्हेगार एसबीआय रिवॉर्ड पॉइंट्स रिडीम करण्यासाठी ग्राहकांना एसएमएस आणि व्हॉट्सॲप मेसेजेसमध्ये बनावट लिंक (APK-Android ॲप्लिकेशन पॅकेज) पाठवत आहेत. मेसेजेसमध्ये पाठवण्यात आलेल्या अशा बनावट लिंकवर क्लिक करण्यास आणि अननोन फाईल्स डाउनलोड करण्यास बँकेने मनाई केली आहे.

रिवॉर्ड पॉइंट रिडीम करण्याचा सेफ मार्ग: SBI आपल्या ग्राहकांना लॉयल्टी प्रोग्राममध्ये दररोज केलेल्या व्यवहारांसाठी काही रिवॉर्ड पॉइंट देते. बँकेने दिलेल्या प्रत्येक रिवॉर्ड पॉइंटचे मूल्य 25 पैसे आहे. SBI च्या FAQ पेजनुसार, SBI Rewardz प्रोग्रामसाठी ग्राहकांची आपोआप नोंदणी केली जाते. SBI पॉइंट रिडीम मिळवण्यासाठी तुम्हाला https://www.rewardz.sbi/ ला भेट द्यावी लागेल. येथे नोंदणी करण्यासाठी, तुम्हाला या स्टेप्स फॉलो कराव्या लागतील.

1. सर्वप्रथम कंप्यूटर किंवा स्मार्टफोनवर https://www.rewardz.sbi/ उघडा.
2. तिथे दिलेल्या New User पर्यायावर क्लिक करा.
3. आता तुमचा SBI Rewardz Customer ID एंटर करा.
4. यानंतर नोंदणीकृत मोबाईल क्रमांकावर प्राप्त झालेला OTP टाका.
5. आता तुमचे पर्सनल डिटेल्स व्हेरिफाय करा.
6. या स्टेप्स पूर्ण केल्यानंतर, तुम्ही पॉइंट रिडीम करणे सुरू करू शकता.

SBI चे हे रिवॉर्ड पॉइंट्स चित्रपटाची तिकिटे, मोबाईल/DTH रिचार्ज, एअरलाइन तिकीट आणि हॉटेल बुकिंग आणि इतर अनेक गोष्टींसाठी वापरले जाऊ शकतात.

ऑफलाइन SBI कार्ड रिवॉर्ड पॉइंट्स कसे रिडीम करायचे?

तुम्ही SBI क्रेडिट कार्ड कस्टमर केअर नंबरवर कॉल करून क्रेडिट कार्ड रिवॉर्ड पॉइंट ऑफलाइन रिडीम करू शकता. कस्टमर केअर एक्झिक्युटिव्ह तुम्हाला रिडेम्पशन प्रक्रियेत मदत करेल. तुम्ही एकतर संपूर्णपणे पॉइंट्समध्ये पैसे देऊ शकता किंवा ‘पॉइंट्स + पे’ पर्याय निवडू शकता जिथे तुम्ही तुमचे पॉइंट रिडीम करू शकता आणि क्रेडिट कार्डने अतिरिक्त रक्कम भरू शकता.