श्री कृष्ण गोविंद हरे मुरारी! सीझरिंग सुरु असताना महिलेनं गायलं भजन; VIDEO पाहून भावुक व्हाल

नवी दिल्ली: स्वामी तिन्ही जगाचा आईविना भिकारी असं म्हणतात. यामागे हजारो कारणं आहेत. आई स्वत:ची काळजी न करता लेकरांना वाढते. बाकीची नाती नंतर येतात. आई लेकराला इतरांना ९ महिने जास्त ओळखते. पोटच्या गोळ्यासाठी ती सर्वस्व देते. ती प्रसुती वेदना सहन करते. असं म्हणतात, बाळ जेव्हा रडत जन्माला येतं, तेव्हा आईच्या चेहऱ्यावर हसू असतं. बस्स तो एक क्षण. अन्यथा लेकरु जेव्हा जेव्हा रडतं, तेव्हा तेव्हा आईला गलबलून येतं. लेकराला दु:खी पाहून तिचा जीव तीळतीळ तुटतो. अशाच एका आईचा व्हिडीओ सोशल मीडियावर व्हायरल झाला आहे.

प्रसुतीसाठी ऑपरेशन थिएटरमध्ये गेलेल्या एका महिलेचा व्हिडीओ सोशल मीडियावर तुफान चर्चेत आहे. फेनिल कोठारी नावाच्या तरुणानं एक्सवर व्हिडीओ शेअर केला आहे. त्यात महिलेची सी सेक्शन डिलिव्हरी सुरु असल्याचं दिसतंय. महिला भजन गात स्वत:ला धीर देतेय. श्री कृष्ण गोविंद हरे मुरारी… भजन गाणाऱ्या महिलेचा व्हिडीओ ऑपरेशन थिएटरमध्ये असलेल्या कोणीतरी चित्रीत केला. हा व्हिडीओ सोशल मीडियावर तुफान व्हायरल झाला.
बेटी पढाओ, बेटी बचाओ! मोदींंची घोषणा त्यांच्याच मंत्र्यांना लिहिता येईना; भलताच घोळ घातला
ऑपरेशन सुरु असतानाही महिला अतिशय सुरेल आवाजात, एकाग्र चित्तानं भजन गातेय. महिला ऑपरेशनची भीती पूर्णपणे विसरुन गेली असावी असं व्हिडीओ पाहून वाटतंय. फेनिल कोठारी नावाच्या एक्स हँडलवरुन महिलेचा व्हिडीओ पोस्ट करण्यात आला आहे. ‘अंगावर शहारे आणणारा क्षण. ती बाळाच्या सुरक्षेसाठी वरच्याकडे प्रार्थना करतेय,’ असं कोठारी यांनी पोस्ट शेअर करताना कॅप्शनमध्ये म्हटलं आहे.

व्हिडीओवर लोकांनी कमेंट्सचा अक्षरश: पाऊस पाडला आहे. एकानं लिहिलंय- सर्वात पवित्र प्रेम. दुसऱ्यानं लिहिलंय- आईचं प्रेम. तिसऱ्यानं लिहिलंय- कोणी इतकं सुंदर गाणं लाईव्ह परफॉर्मन्समध्येही ऐकलं नसेल. व्हिडीओ नेमका कुठला आहे, कधीचा आहे, याबद्दल कळू शकलेलं नाही. पण व्हायरल झालेला व्हिडीओ हृदयस्पर्शी आहे.