सोशल मीडिया स्क्रोल करणे
झोपण्यापूर्वी सोशल मीडिया पाहिल्याने मेंदू खूप एक्साईट होतो आणि झोप येण्यास वेळ लागतो. सोशल मीडियावरील फोटोज किंवा व्हिडिओज किंवा त्याविषयीचे इतर विचार तुमच्या मनाचे दरवाजे ठोठावत असतात, ज्यामुळे झोपेच्या प्रक्रियेला उशीर होतो.
कामाच्या इमेल्सला रिप्लाय देणे
काम कितीही महत्वाचे असले तरी ते तुमच्या पर्सनल आयुष्यापेक्षा वेगळे आहे. त्यामुळे बेडरूममध्ये काम आणल्याने काम आणि पर्सनल लाइफ यात असलेल्या सीमा पुसल्या जातात. याचा तुमच्या आयुष्यावर नकारात्मक परिणाम होतो.
झोपण्यापूर्वी गहन चर्चा करणे
झोपण्यापूर्वी गहन चर्चा किंवा तणावपूर्ण संभाषण केल्याने तणावाची पातळी वाढते आणि एड्रेनालाईनची देखील पातळी वाढते. यामुळे शरीर शांत होणे कठीण होते आणि झोप उशिरा येते.
व्हिडिओ किंवा शो पाहणे
झोपण्यापूर्वी व्हिडिओ पाहण्यामुळे ब्लू लाइट मेलाटोनिनचे प्रोडक्शन कमी करतो, ज्यामुळे झोपण्यास वेळ लागतो. आकर्षक कंटेंटमुळे मेंदू सक्रिय राहतो आणि झोप येण्यास अडचण येते.
मोबाईल गेम खेळणे
झोपण्यापूर्वी मोबाईल गेम खेळल्याने मेंदू अधिक एक्साईट होतो आणि एड्रेनालाईनची पातळी वाढते. यामुळे झोपेची क्वालिटी कमी होते आणि झोपायला उशीर होतो.
अलार्म म्हणून फोन वापरणे
फोन अलार्म म्हणून वापरल्याने अलार्म सेट करतांना फोनमधील इतर गोष्टी पाहण्याचा मोह आवरला जात नाही, ज्यामुळे स्क्रिन टाइम वाढतो. यासाठी तुम्ही खास अलार्म घड्याळाचा वापर करा.
इंटरनेट ब्राउझिंग
झोपण्यापूर्वी इंटरनेट ब्राउझ केल्याने मेंदू व्यस्त राहतो आणि झोप येण्यास उशीर होतो. मोठ्या प्रमाणावर मिळालेल्या माहितीमुळे मनावर ताण येतो.
चांगल्या झोपेसाठी टिप्स
- डिजिटल कर्फ्यू: झोपण्यापूर्वी एक तास फोन बंद ठेवण्याची सवय लावा.
- स्क्रिनलेस रूटीन: पुस्तक वाचणे, ध्यान करणे किंवा कोमट पाण्याने आंघोळ करणे अशा मनाला शांत करणाऱ्या ऍक्टीव्हीटीज करा.
- नाईट मोडचा वापर करा : फोन वापरताना ब्लू लाइट फिल्टर चालू करा.
- फोन स्वतःपासून दूर ठेवा: फोनला बेडपासून दूर ठेवा, जेणेकरून वापरण्याचा मोह होणार नाही.
दैनंदिन जीवनात या सवयी स्वीकारल्यास तुम्हाला चांगली झोप मिळण्यास मदत होईल आणि झोपण्याची दिनचर्या सुधारता येईल.