स्लाईडवरुन येताना बेशुद्ध, काही मिनिटांत मृत्यू; वॉटर पार्कमध्ये बँक मॅनेजरसोबत काय घडलं?

लखनऊ: उत्तर प्रदेशच्या मेरठमध्ये वॉटर पार्कमध्ये स्लायडिंग करताना एक तरुण बेशुद्ध पडला. त्याला तातडीनं रुग्णालयात नेण्यात आलं. पण डॉक्टरांनी त्याला मृत घोषित केलं. मृत तरुण एका खासगी बँकेत मॅनेजर होता. वॉटर पार्कमध्ये डॉक्टर नव्हते. तिथे डॉक्टर असते, तर तरुणीचा जीव वाचला असता, अशी खंत मृत तरुणाच्या साथीदारांनी व्यक्त केली.

मेरठमध्ये परतापूर पोलीस ठाण्याच्या हद्दीत दिल्ली-देहरादून महामार्गाला लागून फँटेसी वर्ल्ड वॉटर पार्क आहे. रविवारी दुपारी या वॉटर पार्कमध्ये मोहित त्याच्या ३ मित्रांसोबत गेला होता. मोदीनगरचा रहिवासी असणारा मोहित एका खासगी बँकेत व्यवस्थापक पदावर कार्यरत होता. मोहित त्याच्या मित्रांसोबत वॉटर पार्कमध्ये स्लायडिंग करत होता. स्लायडिंग करताना तो बेशुद्ध पडला.
ऑनलाईन मागवलेल्या आईस्क्रीममध्ये सापडली गोम; ४०% टक्के बाजारपेठ ताब्यात असलेला ब्रँड गोत्यात
मोहितची शुद्ध हरपताच त्याचे मित्र चिंतेत पडले. त्यांनी वॉटर पार्कच्या व्यवस्थापनाला डॉक्टरांना बोलावण्यास सांगितलं. पण पार्कमध्ये डॉक्टरच नसल्याचं त्यांना सांगण्यात आलं. पार्कमध्ये रुग्णवाहिकादेखील नव्हती. तीन मित्र मोहितला घेऊन कसेबसे वॉटर पार्कच्या बाहेर आले. त्यांनी वाहनाची व्यवस्था केली आणि मोहितला घेऊन रुग्णालय गाठलं. पण तोपर्यंत बराच उशीर झाला होता. डॉक्टरांनी मोहितला मृत घोषित केलं.
सरकारी योजनेतून मुस्लिम महिलेला हिंदूबहुल सोसायटीत घर; रहिवासी उतरले रस्त्यावर, तणाव वाढला
पोलिसांनी मोहितचा मृतदेह शवविच्छेदनासाठी पाठवला. पोलिसांनी दिलेल्या माहितीनुसार, मोहितच्या शरीरावर जखमा नव्हत्या. त्याच्या मृत्यूचं कारण शवविच्छेदन अहवालातून समोर येईल. मोहितचा मृत्यू हृदय विकाराच्या झटक्यानं झाला असण्याची शक्यता आहे. मोहितच्या मृत्यूनंतर त्याच्या कुटुंबियांनी आणि नातेवाईकांनी वॉटर पार्कमध्ये गोंधळ घातला. वॉटर पार्कमध्ये डॉक्टर असता, तर मोहितचा जीव वाचला असता. वॉटर पार्कच्या व्यवस्थापनाच्या बेजबाबदारपणे मोहितचा मृत्यू झाल्याचा दावा त्यांनी केला.