५० टक्के भारतीय ‘अनफिट’; आळस ठरतोय मोठं कारण, ‘या’ आजारांचा धोका वाढला…

वृत्तसंस्था, नवी दिल्ली : व्यायामाविषयी जागरुकता वाढत असल्याचे दिसत असले, तरी भारतातील जवळजवळ ५० टक्के प्रौढ व्यक्ती पुरेसा व्यायाम करत नाहीत, असे लॅन्सेट ग्लोबल हेल्थ या प्रतिष्ठित आरोग्यविज्ञान पत्रिकेत प्रसिद्ध झालेल्या संशोधनावरून समोर आले आहे. सन २०२२मध्ये हा अभ्यास करण्यात आला. जागतिक आरोग्य संघटनेच्या संशोधकांचा या अभ्यासात सहभाग होता.

अपुरा व्यायाम म्हणजे काय?

अभ्यासकांनी या संशोधनासाठी ‘अपुरा व्यायाम’ याची व्याख्या निश्चित केली. त्यानुसार, आठवड्याला किमान १५० मिनिटे मध्यम तीव्रतेची किंवा किमान ७५ मिनिटे अधिक तीव्रतेची शारीरिक हालचाल न करणाऱ्यांना पुरेसा व्यायाम न करणाऱ्या व्यक्ती ठरवण्यात आले.

जगभरातील दोनपैकी एक व्यक्ती व्यायामाविना
अपुरी शारीरिक हालचाल असलेल्या व्यक्तींचे प्रमाण (१९७ देशांमधील सर्वेक्षण)

२०२२मध्ये ३१.३ टक्के
२०१०मध्ये २६.४ टक्के

० हा कल कायम राहिला, तर शारीरिक व्यायामाचे प्रमाण १५ टक्क्यांनी वाढवण्याचे लक्ष्य गाठणे अशक्य
० ज्येष्ठ नागरिकांमध्ये निष्क्रियता वाढत असल्याची नोंद

भारतीय महिला व्यायामापासून दूर
५७ टक्के महिलांना अपुरा व्यायाम
४२ टक्के पुरुषांना अपुरा व्यायाम
Air Pollution: वर्षभरात जगात ८१ लाख लोकांचा वायू प्रदूषणाने मृत्यू, भारताची आकडेवारी वाचून धक्का बसेल
भारतात निष्क्रियता वाढतेय
अपुरा व्यायाम करणाऱ्या भारतीयांचे प्रमाण

२००० २२ टक्के
२०१० ३४ टक्के
२०२२ ५० टक्के
२०३० ६० टक्के (अंदाज)

शारीरिक निष्क्रियतेचे धोके
मधुमेह आणि हृदयरोग यांसारख्या असंसर्गजन्य आजारांचा धोका अधिक
या आजारांची रुग्णसंख्या वाढल्याने आरोग्य यंत्रणेवर ताण
भारतातील रुग्णसंख्या (२०२१ची आकडेवारी)
मधुमेह १०.१ कोटी
अतिरक्तदाब ३१.५ कोटी
लठ्ठ व्यक्ती २५.४ कोटी
एलडीएल कोलेस्टेरॉलचे अतिरिक्त प्रमाण असलेल्या व्यक्ती १८.५ कोटी
(इंडियन कौन्सिल ऑफ मेडिकल रिसर्च- इंडिया डायबेटिस यांच्या अभ्यासानुसार)