क्वालालम्पूर: वाढत्या सरकारी खर्चावर लगाम लावण्यासह अब्जावधी रुपयांची बचत करण्याच्या उद्देशाने मलेशिया सरकारने इंधनावरील दशकांपूर्वीच्या अनुदान योजनांत सुधारणा करण्याचा निर्णय घेतला आहे. परिणामी, सोमवारी मलेशियात डिझेलच्या किमतीत तब्बल ५६ टक्क्यांची वाढ झाली.
मलेशियाचे अर्थमंत्री आमिर हमजा अझिझन यांनी जाहीर केल्यानुसार सोमवारी डिझेलचे दर २.१५ रिंगिट प्रतिलिटरवरून ३.३५ रिंगिट प्रतिलिटरवर पोहचले आहेत. फेररचनेमुळे ऊर्जेवरील अनुदान संपुष्टात येणार आहे. हा शिल्लक राहणारा निधी गरजूंनाच देण्याचा सरकारचा विचार आहे. पंतप्रधान अन्वर इब्राहिम यांनी जाहीर केलेल्या आर्थिक सुधारणांचा हा एक भाग आहे. अधिक शाश्वत अर्थव्यवस्था तयार करण्यासाठी आणि शेजारील देशांना तेलाची तस्करी करण्यापासून होणारे नुकसान भरून काढण्यासाठी या उपाययोजना आवश्यक असल्याचे सरकारने म्हटले आहे.
मलेशियाचे अर्थमंत्री आमिर हमजा अझिझन यांनी जाहीर केल्यानुसार सोमवारी डिझेलचे दर २.१५ रिंगिट प्रतिलिटरवरून ३.३५ रिंगिट प्रतिलिटरवर पोहचले आहेत. फेररचनेमुळे ऊर्जेवरील अनुदान संपुष्टात येणार आहे. हा शिल्लक राहणारा निधी गरजूंनाच देण्याचा सरकारचा विचार आहे. पंतप्रधान अन्वर इब्राहिम यांनी जाहीर केलेल्या आर्थिक सुधारणांचा हा एक भाग आहे. अधिक शाश्वत अर्थव्यवस्था तयार करण्यासाठी आणि शेजारील देशांना तेलाची तस्करी करण्यापासून होणारे नुकसान भरून काढण्यासाठी या उपाययोजना आवश्यक असल्याचे सरकारने म्हटले आहे.
इंधनाच्या वाढत्या दरांबाबत सरकारकडून सावधानता बाळगण्यात येत असली तरी नोकरदारांना वाढत्या महागाईमुळे दैनंदिन गरजा भागविण्यासाठी संघर्ष करावा लागत आहे.अल्प उत्पन्न गटातील नागरिकांना या बदलाशी जुळवून घेता यावे यासाठी अन्वर यांनी मागील महिन्यात इंधनावरील अनुदान कपात करण्याचा निर्णय घेतला होता. मलेशियामध्ये इंधनासह खाण्याचे तेल, तांदूळ यावर मोठ्या प्रमाणावर अनुदान दिले जाते. त्याचा सरकारी तिजोरीवर मोठा भार पडतो. त्यामुळेच सरकारने इंधनावरील अनुदान कमी करण्याचा निर्णय घेतला आहे.