सोशल मीडिया प्लॅटफॉर्म एक्सवर दिनेश नावाच्या एका व्यक्तीने हा व्हिडिओ पोस्ट करत लिहिलंय, की ‘काँग्रेस कार्यालयात राहुल गांधींच्या उपस्थितीत आज लाडू वाटण्यात आले. अंध भक्तांनो रडू नका, उद्यापासून तुमचे वाईट दिवस सुरू होणार आहेत.’
त्याशिवाय इतरही अनेक युजर्सनी हा व्हिडिओ शेअर केला आहे. अर्काइव पोस्टसोशल मीडियावर व्हायरल होत असलेल्या या व्हिडिओची विश्वास न्यूजने पडताळणी केली. त्यावेळी काही वेगळंच सत्य समोर आलं. जेव्हा विश्वास न्यूजच्या टीमने गुगल लेन्सच्या मदतीने व्हिडिओ ट्रेस केला तेव्हा त्यांना हा व्हिडिओ ट्विटरवर गेल्या वर्षी अपलोड केलेला आढळला. हा व्हिडिओ रुचिरा चतुर्वेदी यांनी ४ ऑगस्ट २०२३ रोजी एक्सवर पोस्ट केला होता. त्यांनी दिल्लीतील काँग्रेस कार्यालय असल्याचं पोस्टमध्ये सांगितलं होतं.
त्यानंतर विश्वास न्यूजने अधिक तपास केला असता, काँग्रेसच्या अधिकृत एक्स अकाऊंटवर देखील हा व्हिडिओ मिळाला. तो व्हिडिओ ४ ऑगस्ट २०२३ रोजी शेअर करण्यात आला होता. त्या पोस्टमध्ये लिहिलेलं, की असत्यावर सत्याचा विजय, जय काँग्रेस, विजय काँग्रेस.
या व्हिडिओबाबत विश्वास न्यूजने काँग्रेसचे सोशल मीडियाचे नॅशनल कोऑर्डिनेटर नितीन अग्रवाल यांच्याशी चर्चा केली. त्यांनी हा व्हिडिओ जुना असल्याचं सांगितलं.
निष्कर्ष
विश्वास न्यूजच्या पडताळणीत हा व्हिडिओ जुना असल्याचं समोर आलं आहे. लोकसभा निवडणुकीच्या मतमोजणीच्या दिवशी खोट्या दाव्यासह हा जुना व्हिडिओ शेअर केला जात होता.
(This story was originally published by Vishvas News, and republished by MT as part of the Shakti Collective.)