जॉर्जिया मेलोनी या इटलीच्या पहिल्या महिला पंतप्रधान आहेत. कमी काळात त्यांनी मोठी लोकप्रियता मिळवली आहे. मेलोनी यांचा जन्म १५ जानेवारी १९७७ रोजी दक्षिण रोमच्या गारबेटला येथा झाला होता.मेलोनी लहान असताना त्यांचे आई-वडील विभक्त झाले. त्या लहान वयातच राजकारणात आल्या. २०१४ पासून ब्रदर्श ऑफ इटली या पक्षाचे नेतृत्व करत आहेत.
मेलोनी या २००६ साली सर्व प्रथम लोकप्रतिनिधी म्हणून निवडून आल्या होत्या. त्यानंतर त्या नेहमीच संसदेत राहिल्या. पहिल्या दोन वर्षात त्यांनी चेंबरचे उपाध्यक्षपद संभाळले. २००८ ते २०११ या काळात त्या युवा मंत्री होत्या. इटलीमधील मीडिया आउटलेट मनीच्या रिपोर्टमध्ये मेलोनी यांच्या उत्पन्नाबद्दल सांगण्यात आले आहे. इटलीतील खासदाराला १०.४७ लाख इतके वेतन मिळते. यातील ३.३३ लाख रुपये हा दैनिक भत्ता असतो. या शिवाय टेलिफोन आणि प्रवासासाठी १.०७ लाख रुपये इतका निधी दिला जातो. मेलोनी या आपल्या वेतनाचा काही हिस्सा पक्ष निधीसाठी देतात. २०२२ मध्ये त्यांची संपत्ती २.६२ कोटी इतकी होती.
पंतप्रधान झाल्यापासून मेलोनी यांच्या संपत्तीची माहिती समोर आलेली नाही. पण २०२१ पासून त्यांच्या संपत्तीत वाढ होत आहे. २०२० करोनाच्या काळात त्यांचे उत्पन्न १.२ कोटी इतके होते. २००६ साली मेलोनी यांची संपत्ती १४.३१ कोटी इतकी होती.