सुरक्षा अधिकाऱ्यांनी दिलेल्या माहितीनुसार, काल सायंकाळी दौलत बेग ओल्डी परिसरात नदी ओलांडत असताना सरावादरम्यान झालेल्या एका अपघातात एक जोसीओ आणि चार जवानांसह भारतीय सेनेचे पाच जवान शहीद झाले आहे. या पाचही जवानांचे मृतदेह सापडले आहेत.
नेमकं काय घडलं?
शुक्रवारी सायंकाळी लडाखच्या न्योमा-चुशुल येथील दौलत बेग ओल्डी येथे टँक सराव सुरु होता आणि लष्कराचे अनेक टँक येथे होतो. यादरम्यान वास्तविक नियंत्रण रेषा (LAC)जवळ एक टी-७२ टँक द्वारे नदी कशी ओलांडली जाते याचा सराव सुरु होता.
यादरम्यान, जेव्हा हे जवान टँकने नदी ओलांडण्याचा प्रयत्न करत होते तेव्हा अचानक नदीचा प्रवाह वाढला आणि त्यात टँक वाहून गेले. यावेळ टँकमध्ये ४-५ जवान होते. सध्या बचाव कार्य सुरु असून याप्रकरणी सविस्तर माहिती अद्याप आलेली नाही.
संरक्षण मंत्री राजनाथ सिंग यांच्याकडून शोक व्यक्त
लडाखमध्ये नदी ओलांडताना झालेल्या दुर्दैवी अपघातात भारतीय लष्कराच्या पाच शूर जवानांना आपले प्राण गमवावे लागल्याने मी खूप दु:खी झालो आहे. आमच्या शूर सैनिकांनी देशासाठी केलेली सेवा आम्ही कधीही विसरणार नाही. माझ्या संवेदना या कुटुंबियांसोबत आहेत. या दुःखाच्या वेळी संपूर्ण देश त्यांच्या पाठीशी उभा आहे, अशी पोस्ट एक्सवर राजनाथ सिंग यांनी केलं.