Loksabha Election 2024 Result:
मोदी तिसऱ्यांदा पंतप्रधान होण्याची शपथ लवकरच घेणार आहे. त्यामुळे पुढील ५ वर्षांचा कार्यकाळ कसा असेल असा प्रश्न प्रत्येकाला पडला आहे. लोकसभेचा निकाल ४ जूनला जाहिर जाला. यामध्ये भाजपाला २४० जागा मिळाल्या होत्या. अशातच चंद्रबाबू नायडू आणि नितेश कुमार यांच्याशी हात मिळवणी करुन सरकार स्थापन करण्याचा निर्णय घेण्यात आला आहे.
ज्योतिषशास्त्रानुसार जून महिन्यात अनेक मोठ्या ग्रहांचे संक्रमण होणार आहे. ग्रहांच्या युतीमुळे राजकीय क्षेत्रात मोठे बदल पाहायला मिळतील असे देखील सांगण्यात आले आहे. ४ जूनला बुध-गुरु चे ग्रहयुद्ध तर शुक्राचा पूर्ण अस्त योग वृषभ राशीत झाल्यामुळे राजकीय घडामोडींना वेगळे वळण मिळाले.
बुध- गुरु युती झाल्यामुळे काही राशींच्या व्यक्तीच्या जीवनात मोठे फेरबद्दल पाहायला मिळतील. पंतप्रधान मोदींची रास वृश्चिक असल्यामुळे आणि गुरुचा उदय झाल्यामुळे त्यांना पुढील ५ वर्षात मोठा फायदा होऊ शकतो असे ज्योतिषशास्त्रात सांगण्यात आले आहे. अशातच पंतप्रधान नरेंद्र मोदी तिसऱ्यांदा शपथ घेतील की पुन्हा सरकार कोसळेल? जाणून घेऊया ज्योतिषाची भविष्यवाणी
1. नितीश कुमार आणि चंद्रबाबू नायडू यांची भविष्यवाणी
नितीश कुमार यांचा जन्म १ मार्च १९५१ रोजी दुपारी १ वाजून २० मिनिटांनी झाला आहे. त्यांच्या जन्मकुंडलीनुसार लग्न कुंडली मिथुन असून राहूची महादशा सुरु आहे. गुरूच्या जवळ असल्यामुळे चांडाळ योग तयार करते आहे. सध्या मिथुन राशीच्या राशीत पंचम स्थानात शुक्राची शुभ अंतरदशा सुरु झाली आहे जी ३१ मे २०२६ पर्यंत राहिल. नितीश कुमार यांच्या कुंडलीत शुक्र आणि मंगळ ग्रह दहाव्या घरात उच्च राशीत मीनमध्ये बसलेला आहे. राहूमध्ये शुक्राच्या या शुभ स्थितीमुळे या काळात नितीश कुमार अधिक महत्त्वकांक्षी असतील. पक्षाला आणि राज्याला पुढे आणण्यासाठी ते अथक परिश्रम करतील. तर त्यांच्या काही अटींमुळे नरेंद्र मोंदीना अडचणीत देखील आणू शकतात.
चंद्रबाबू नायडू यांचा जन्म २० एप्रिल १९५० रोजी झाला आहे. मेष राशीत सातवा स्वामी शुक्र अकराव्या घरात भाग्य स्थानात गुरुसोबत चांगला राजयोग निर्माण झाला आहे. शुक्र आणि गुरुच्या हा शुभ संयोग तयार झाल्याने त्यांना राजकीय क्षेत्रात यश मिळेल. सध्या मेष राशीत बुध ग्रहाची विशोन्तरी महादशा सुरु आहे. बुधाच्या प्रभावामुळे ते अनेक महत्त्वाचे निर्णय विचारपूर्वक घेतील. बुध हा ग्रह चातुर्य, बुद्धिमत्तेचा पैलू मानला जातो. तसेच शास्त्री, पुराणिक, राज्यमंत्री, सल्लागार, बँक कर्मचारी, लेखन साहित्य, शेअर बाजारात बुध ग्रह चांगला परिणाम मिळतो.
2. चंद्र-मंगळ युतीनुसार पंतप्रधान मोदी ५ वर्षांचा कार्यकाळ पूर्ण करु शकतील का?
मोदींचा जन्म १७ सप्टेंबर १९५० रोजी गुजरातमध्ये झाला असून त्यांची रास वृश्चिक आहे. ज्यामध्ये चंद्र आणि मंगळ यांच्यामध्ये लक्ष्मी योग तयार झाला आहे. ५ जूननंतर नरेंद्र मोदींच्या कुंडलीत लग्नेश आणि षष्ठात स्वामी (शत्रू आणि रोग) मंगळाच्या महादशामध्ये अष्टमाचा स्वामी (वाद) आणि अकरावा स्वामी (लाभ) बुधची अंतरदशा असेल. तर अशुभ ग्रह केतू सोबत दशम स्वामी (शाही शक्ती) मध्ये असेल, ज्यामुळे राज्याला काही प्रमाणात लाभ होऊ शकतो परंतु अनेक राजकीय घडामोडी देखील पाहायला मिळतील. मंगळ आणि केतूच्या अशुभ स्थितीमुळे २०२५ च्या आत पाच वर्षाचा कार्यकाळ मोदी पूर्ण करु शकणार नाही. तसेच त्यांना आरोग्याच्या समस्यांचा सामना करावा लागू शकतो.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.