Protesters storm Kenya’s parliament : केनियात हिंसाचार उफाळला,नागरिकांनी संसदेला लावली आग, नेमकं काय आहे प्रकरण ?

नैरोबी : केनिया देशाच्या संसदेला संतप्त नागरिकांनी आग लावल्याची घटना घडली आहे. केनिया सरकारने संसदेत कर वाढीबद्दल वादग्रस्त विधेयक मंजूर केले आहे. त्यामुळे जनतेच्या मनात रोष निर्माण झाला असून नागरिकांनी थेट संसदेला आग लावली आहे. हा हिंसाचार इतका उफाळला की त्यामध्ये पाच जणांचा मृत्यू झाला असून 150 हून अधिक लोक जखमी झाले आहेत.

भारतीय नागरिकांसाठी ॲडव्हायजरी केली जारी

दरम्यान, या हिंसचारानंतर केनियात राहणाऱ्या भारतीयांसाठी केनिया सरकारने ॲडव्हायजरी जारी केली आहे. तसेच नागरिकांना अत्यंत सावधगिरी बाळगण्याचा करण्याचा सल्ला दिला आहे.

विधेयकाला विरोध का ?

केनिया सरकारने संसदेत मंजूर केलेल्या विधेयकात इंटरनेट डेटा, इंधन, बँक हस्तांतरण आणि डायपरसह अनेक दैनंदिन वापराच्या वस्तू आणि सेवांवर कर वाढवण्याचा उल्लेख करण्यात आला आहे. त्याचबरोबर केनियामध्ये वाढत्या महागाईच्या काळात या सवलती देण्याऐवजी वस्तूंवरील कर आणखी वाढवण्यात आले आहेत. त्यामुळे नागरिक संतप्त झाले आहेत.
Sunita Williams: भारतीय वंशाच्या अंतराळवीर सुनिता विल्यम्स अंतराळात अडकल्या? पृथ्वीवर परतण्यासाठी फक्त २७ दिवस शिल्लक

पोलिसांनी अश्रुधुराच्या नळकांड्या फोडल्या

हजारो लोकांनी केनियाच्या संसदेवर हल्ला केल्यानंतर पोलिसांनी नागरिकांना रोखण्यासाठी अश्रुधुराच्या नळकांड्या फोडत नागरिकांवर थेट गोळ्या झाडल्या आहेत.

भारतीय दूतवासाने घेतली दखल

केनियातील भारतीय दूतावासाने सोशल मीडिया प्लॅटफॉर्मवर पोस्ट केली आहे. ते म्हणाले की, “निदर्शने आणि हिंसाचाराने प्रभावित असलेल्या भागात भारतीय नागरिकांनी टाळावे. तसेच स्थानिक बातम्या आणि मिशनची वेबसाइट आणि सोशल मीडिया हँडल फॉलो करा,”

आंदोलकांची केनियाच्या राष्ट्राध्यक्षांवर टीका

आंदोलकांनी केनियाचे राष्ट्राध्यक्ष रुटो यांच्यावर टीका केली आहे. रुटो यांच्या सरकारने कर वाढीचा प्रस्ताव मांडणारे वादग्रस्त विधेयक मंजूर केल्यामुळे लोकांचा हिंसाचार उफाळला आहे. रुटो हे 2022 मध्ये केनियाचे राष्ट्राध्यक्ष झाले आहे. अशातच कर वाढीबद्दलचे विधेयक संसदेत मंजूर करून त्यांनी जनतेचा विश्वासघात केल्याचा आरोप नागरिकांनी केला आहे.