Anant Radhika Wedding: आशियातील सर्वात श्रीमंत व्यक्ती मुकेश अंबानी यांचा धाकटा मुलगा अनंत अंबानी आणि राधिका मर्चंट विवाहबंधनात अडकले आहेत. अनंत अंबानी आणि राधिका यांचा विवाह सध्या चर्चेचा विषय बनला आहे. या भव्य विवाह सोहळ्यात हायप्रोफाइल पाहुण्यांच्या प्रवेश आणि सुरक्षा व्यवस्थेसाठी खास टेक्नोलॉजीचा वापर करण्यात आला होता.
गूगल फॉर्म भरून पाहुण्यांची एंट्री
अहवालानुसार, एशियातील सर्वात श्रीमंत व्यक्तीच्या धाकट्या मुलाच्या विवाह सोहळ्यात येणाऱ्या पाहुण्यांना प्रवेशासाठी गूगल फॉर्म भरावा लागला होता. गूगल फॉर्म आणि ईमेलच्या सहाय्याने विवाह सोहळ्यात येणाऱ्या पाहुण्यांची उपस्थिती निश्चित करण्यात आली होती. हे पहिल्यांदाच होते की, कोणत्याही विवाह सोहळ्यात पाहुण्यांच्या प्रवेशासाठी या प्रकारच्या टेक्नोलॉजीचा वापर करण्यात आला होता.
अटेंडेंस कन्फर्म केल्यानंतर पाहुण्यांना मिळाला क्यूआर कोड
विवाह सोहळ्यात येणाऱ्या पाहुण्यांना गूगल फॉर्म भरल्यानंतर एक विशेष मेसेज मिळाला होता. या मेसेज सांगण्यात आले होते की, “आम्ही तुच्या डिटेल्स व्हेरिफाय केल्या आहेत आणि आम्ही तुमचे स्वागत करण्यास उत्सुक आहोत… एंट्रीसाठी लागणारे क्यूआर कोड इव्हेंटच्या 6 तासांपूर्वी शेअर केले जातील.”
प्रत्येक झोननुसार वेगळे रिस्ट बँड
यानंतर पुढील प्रक्रियेसाठी पाहुण्यांना इव्हेंटच्या 6 तासांपूर्वी क्यूआर कोड देण्यात आले होते. हे क्यूआर कोड पाहुण्यांच्या पर्सनल मोबाइल नंबरवर पाठवण्यात आले होते. या प्रकारे इव्हेंटच्या एंट्री पॉइंटवर पाहुण्यांनी त्यांच्या क्यूआर कोडला स्कॅन केले. अहवालानुसार, मल्टीलेयर चेकनंतर पाहुण्यांना वेगवेगळ्या झोनसाठी कलर कोडेड पेपर रिस्टबँड देण्यात आले होते. या वेगवेगळ्या रिस्टबँडना इव्हेंटमध्ये वेगवेगळ्या विशेष झोनसाठी वापरले गेले होते.