काय म्हणाले अर्जुन खोतकर
माननीय एकनाथ शिंदे साहेब झाले आहेत तेव्हापासून त्यांनी धडाकेबाज निर्णय घेतले आहे. तुम्ही मुख्यमंत्र्यांच्या ‘लाडकी बहीणी’ झाल्या आहात. तुम्हाला मुख्यमंत्री लाडकी बहीण योजनेतून दर महिन्याला पंधराशे रुपये मिळणार, इतकेच नव्हे तर तुम्हाला काय मिळणार तीन गॅसचे सिलेंडर, आधी कुटुंबातील दोन लोकांना योजना लागू होती पण आम्हीच शिंदे साहेबांना म्हणालो असे नका करु, एका घरात दोन सूना आणि सासू आहे तर भांडण लागतील. आम्ही त्यांना मिळालो घरात जितके जण आहेत त्यांना योजना लागू करा. आता तुम्ही काय करा, थोडी चालाखी करा, सासू सूना वेगवेगळ्या राहा कागदोपत्री म्हणजे तुम्हाला गॅस सिलेंडर वाढवून मिळतील असा अजब गजब सल्ला खोतकर यांनी उपस्थित स्त्रियांना दिला आहे.
या योजनेत आत्तापर्यंत सुमारे सव्वाकोटी महिलांनी अर्ज केले असून, यात सर्वाधिक अर्ज पुणे जिल्ह्यातून प्राप्त झाले आहेत. पुण्यात शुक्रवारीपर्यंत पाच लाखांहून अधिक महिलांनी अर्ज केले असल्याची माहिती सूत्रांनी दिली. नागपूर, नाशिक आणि सोलापूर या जिल्ह्यांत प्रत्येकी चार लाखांच्या घरात अर्ज नोंदणी झाल्याची माहिती महिला व बालविकास मंत्रालयातील सूत्रांकडून देण्यात आली आहे. तर आत्तापर्यंत १ कोटी २१ लाख २१ हजार १६६ महिलांनी अर्ज केले आहेत. त्यांची छाननी प्रक्रिया सुरू आहे. योजनेचा पहिला हप्ता १९ ऑगस्ट रोजी लाभार्थ्यांना देण्याचा आमचा मानस आहे असे महिला आणि बालविकास मंत्री आदिती तटकरे यांनी माहिती दिली आहे.