Jalna News: जालन्यातील मंठा शहरात भीषण अपघात, आयशरच्या धडकेत चिमुकलीसह महिला आणि वृद्धाचा मृत्यू
जालन्यातील मंठा शहरात आयशर ट्रकच्या धडकेत तीन जणांचा मृत्यू झाला आहे. शाळेतून घरी जाणाऱ्या मायलेकीसह सहा वर्षीय मुलीला आणि एक ज्येष्ठ नागरिकाला भरगाव वेगाने जाणाऱ्या आयशर ट्रकने धडक दिली. या अपघातात सहा वर्षीय मुलगी, महिला आणि एक ज्येष्ठ नागरिकाचा उपचारादरम्यान दुर्देवी अंत झाला. तर या घटनेत इशिका चव्हाण ही चार वर्षाची चिमुकली मुलगी देखील जखमी झाली आहे. या घटनेनंतर आयशर चालक फरार झाला असून मंठा शहरासह परिसरामध्ये या घटनेने हळहळ व्यक्त होत आहे.