CMF Student Referral: सीएमएफ बाय नथिंगनं एक स्टुडंट रेफरल प्रोग्राम सुरु केला आहे. या प्रोग्राममध्ये सहभागी होणाऱ्या विद्यार्थ्यांना सीएमएफ फोन 1, बड्स प्रो 2 आणि वॉच प्रो 2साठी मोफत खरेदी करण्याची संधी मिळणार आहे.
मोफत CMF प्रोडक्ट जिंकण्यासाठी काय करावे
यासाठी सर्वप्रथम https://in.cmfstudentreferral.tech/ वर लॉग इन करा. तुमची माहिती भरा आणि व्हेरिफाय करा. व्हेरिफिकेशन झाल्यावर जिंकण्यासाठी पॉइंट्स गोळा करावे लागतील. लॉग इन करताना एखाद्या मित्राचा रेफरल कोड वापर केल्यास तुमच्या स्कोर आणि लीडरबोर्डवर त्याच्या स्कोरमध्ये एक बोनस पॉईंट जोडला जाईल. लीडरबोर्डवरील टॉप 50 विद्यार्थ्यांना नवीन सीएमएफ लाइनअपमधून 10 सीएमएफ फोन 1, 20 बड्स प्रो 2 आणि 20 वॉच प्रो 2 पैकी एक जिंकण्याची संधी मिळेल.
कंपनीनं स्पष्ट सांगितलं आहे की देशभरातील विद्यार्थी युनिक रेफरल कोड मिळवण्यासाठी मायक्रोसाइटवर रजिस्ट्रेशन करू शकतात. तसेच प्रत्येक रेफरलसाठी रेफरर आणि रेफर केल्या गेलेलंय विद्यार्थ्याला पॉइंट्स मिळतील.
CMF Phone 1 येतोय बाजारात
सीएमएफ फोन 1, बड्स प्रो 2 आणि वॉच प्रो 2 हे प्रोडक्ट 8 जुलैला लाँच केले जातील. स्मार्टफोन कस्टमाइजेबल रियर पॅनलसह येणार असल्याचं स्पष्ट झळा आहे. तर वॉच प्रो 2 मध्ये इंटरचेंजेबल बेजल्स मिळणार आहेत. तर सीएमएफ बड्स प्रो 2 मध्ये 50 डीबी पर्यंत हायब्रीड अॅक्टिव्ह नॉइज कॅन्सलेशन (एएनसी) चा सपोर्ट दिला जाईल.
सीएमएफ फोन 1 ची किंमत 20,000 रुपयांपेक्षा कमी असण्याची शक्यता आहे. कारण नथिंग आधीपासूनच प्रीमियम फोन 30 ते 50 हजारांच्या बजेटमध्ये विकत आहे. ही किंमत लिक्सच्या माध्यमातून समोर आली आहे. टिप्सटर योगेश बरारनं दावा केला आहे की सीएमएफ फोन 1 भारतात बँक कार्ड डिस्काउंटसह 15,999 रुपयांमध्ये उपलब्ध होऊ शकतो. ही 6GB RAM व 128GB स्टोरेज मॉडेलची किंमत असेल. टिपस्टरनुसार, 8GB रॅम व 128GB स्टोरेज असलेला दुसरा मॉडेल देखील येईल, जो बँक डिस्काउंटनंतर 17,999 रुपयांमध्ये उपलब्ध होईल.