itel Color Pro 5G: आयटेलचा नवाकोरा 5जी फोन भारतीय बाजारात आला आहे. याची किंमत 10 हजरांच्या आत ठेवण्यात आली असून यात 18w फास्ट चार्जिंगसह 5000mAh ची बॅटरी आणि ऑक्टाकोर मीडियाटेक 6080 चिपसेट देण्यात आला आहे.
किती आहे किंमत
आयटेलचा नवीन स्मार्टफोन विविड कलर टेक्नॉलॉजी (ivco) सह सादर करण्यात आला आहे. त्यामुळे फोनच्या बॅक पॅनलचा रंग बदलतो. अशी टेक्नॉलॉजी आधी 20-30 हजारांच्या फोनमध्ये दिली जात होती. यात 6GB रॅमसह 128GB स्टोरेज देण्यात आली आहे. त्याचबरोबर 6GB मेमरी फ्यूजन टेक्नॉलॉजीची सुविधा देखील मिळते, या फोनची किंमत 9,999 रुपये ठेवण्यात आली आहे.
आयटेल कलर प्रो 5जीचे स्पेसिफिकेशन
स्मार्टफोनमध्ये 6.6 इंचाचा एचडी+ आयपीएस एलसीडी डिस्प्ले देण्यात आला आहे, जो 90hz रिफ्रेश रेटला सपोर्ट करतो. यात वॉटरड्रॉप नॉच देण्यात आली आहे, ज्यात सेल्फी कॅमेरा फिट करण्यात आला आहे. बॅक पॅनलवर 50MP AI ड्युअल कॅमेरा सेटअप देण्यात आला आहे. सेल्फीसाठी 8MP चा फ्रंट सेन्सर मिळतो. ह्यात सिक्योरिटीसाठी साइड माउंटेड फिंगरप्रिंट स्कॅनर आहे.
बजेट फोनमध्ये परफॉर्मन्ससाठी ऑक्टाकोर मीडियाटेक 6080 चिपसेट देण्यात आला आहे. जो 2.4GHz प्रायमरी क्लॉक स्पीडसह येतो. हा 6 नॅनोमीटर प्रोसेसवर बनला आहे, याचा अंतुतु स्कोर 429595 आहे. त्याचबरोबर 6GB फिजिकल रॅम व 6GB वर्चुअल रॅम मिळतो त्यामुळे गरज पडल्यास युजर्स 12GB रॅमच्या पावरचा वापर करू शकतात.
स्मार्टफोनमध्ये पावर देण्यासाठी 18W फास्ट चार्जिंग सपोर्ट असलेली 5,000mAh ची बॅटरी देण्यात आली आहे. 5G कनेक्टिव्हिटीसाठी यात NRCA (5G++) टेक्नॉलॉजी देण्यात आली आहे जी 4G नेटवर्क असलेल्या ठिकाणी 5G नेटवर्कचे फायदे देईल, असा दावा कंपनीनं केला आहे. पहिल्यांदाच या टेक्नॉलॉजीचा बजेट सेगमेंटमध्ये वापर करण्यात आला आहे.