Phone Safety: जर तुम्हीही स्मार्टफोन वापरत असाल आणि घाईगडबडीत वारंवार तो तुमच्या हातातून निसटून पडत असेल, तर ही माहिती तुमच्यासाठी उपयोगाची आहे. मोबाईलच्या स्क्रीनसाठी कोणता टेम्पर्ड ग्लास लावावा याबद्दल अनेक लोक गोंधळात असतात. येथे याबद्दल सविस्तर माहिती मिळवा आणि तुमच्या फोनच्या सुरक्षेसाठी कोणता ग्लास योग्य ठरेल. जाणून घ्या
प्लास्टिक फिल्म प्रोटेक्टर
प्लास्टिक फिल्म प्रोटेक्टर स्वस्त असतात आणि सहज उपलब्ध होतात. ते लावणे आणि काढणे सोपे असते. हे फोनला स्क्रॅचेसपासून वाचवतात, पण ते तितके मजबूत किंवा टिकाऊ नसतात. फोन पडल्यास स्क्रीनचे पूर्णपणे प्रोटेक्शन करत नाहीत.
TPU स्क्रीन प्रोटेक्टर
TPU स्क्रीन प्रोटेक्टर टेम्पर्ड ग्लासच्या तुलनेत स्वस्त असतात. ते खूप पातळ असतात आणि फोनच्या लुकला जास्त बदलत नाहीत. हे तुमच्या फोनला स्क्रॅचेसपासू वाचवतात. परंतु, TPU ग्लास टेम्पर्ड ग्लास इतका मजबूत नसतो. काही वेळानंतर ते पिवळसर होण्याची तक्रार ग्राहक करत असतात.
प्रायव्हसी स्क्रीन गार्ड
आजकाल बहुतेक लोक सार्वजनिक ठिकाणी प्रायव्हसी राखण्यासाठी प्रायव्हसी स्क्रीन गार्ड वापरतात. हे स्क्रीन गार्ड साइडमधील किंवा समोरच्या लोकांना तुमच्या फोनवर काय चालू आहे ते नीट दिसत नाही. परंतु, हे गार्ड थोडे जुने झाल्यावर टचवर परिणाम करू शकतात.
योग्य टेम्पर्ड ग्लास कसा निवडावा?
वरील विविध प्रकारचे गार्ड्स आणि त्यांच्या फायद्या-तोट्यांचा विचार करून तुमच्या फोनसाठी योग्य स्क्रीन गार्ड निवडा. फोनची सुरक्षा स्क्रीन गार्डवरच अवलंबून आहे का? तुम्ही कितीही मजबूत आणि महाग स्क्रीन प्रोटेक्टर लावला तरी तुमच्या फोनची सुरक्षा फक्त स्क्रीन गार्डवर अवलंबून नसते. ती तुमच्या फोन हाताळण्याच्या पद्धतीवरही अवलंबून असते.
प्रवासात किंवा गर्दीच्या ठिकाणी फोन बॅगमध्ये ठेवा, कारण धक्का लागल्यास फोन हातातून पडू शकतो आणि फुटू शकतो. अशावेळी स्क्रीन गार्ड कितीही चांगला असला तरी फोनचे पूर्ण प्रोटेक्शन करू शकत नाही. त्यामुळे फोन काळजीपूर्वक वापरा.