Redmi A3x: किंमत 7 हजार पण डिजाइन लाख रुपयांची; इथून विकत घेता येईल रेडमीचा नवीन फोन

शाओमीच्या सब ब्रँड रेडमीनं आपला एक नवीन स्वस्त मोबाइल भारतीय बाजारात लाँच केला आहे. हा फोन काही महिन्यांपूर्वी जागतिक बाजारात लाँच केला होता. कंपनीनं Redmi A3x भारतीय बाजारात सादर केला आहे. जो आज पासून ऑनलाइन शॉपिंग साइट अ‍ॅमेझॉनवर वर लिस्ट देखील झाला आहे. या स्मार्टफोनची किंमत फक्त 6,999 रुपये ठेवण्यात आली आहे. या फोनमध्ये कंपनीच्या फ्लॅगशिप फोन शाओमी 14 अल्ट्रा सारखा गोल कॅमेरा मोड्यूल मिळतो, ज्याची किंमत लाखांच्या घरात आहे. चला पाहू रेडमी ए3एक्सची किंमत आणि फीचर्स.

Redmi A3xची किंमत

रेडमी ए3एक्स चा एकच व्हेरिएंट बाजारात आला आहे. ज्यात 3GB RAM सह 64GB Storage देण्यात आली आहे. याची किंमत 6,999 रुपये आहे. हा स्मार्टफोन Aurora Green, Midnight Black आणि Moonlight White कलरमध्ये विकत घेता येईल. फोन ऑफलाइन रिटेल स्टोर्स आणि अ‍ॅमेझॉनवरून विकत घेता येईल.
Realme C63: 9 हजारांमध्ये आयफोन सारखा फोन; फ्लिपकार्टवरून होईल विक्री

Redmi A3x चे स्पेसिफिकेशन्स

Redmi A3x मध्ये 720 x 1650 पिक्सल रेजोल्यूशन असलेला 6.71 इंचाचा एचडी+ वॉटरड्रॉप नॉच स्क्रीनसह लाँच झाला आहे. हा आयपीएस एलसीडी डिस्प्ले आहे जो 90Hz रिफ्रेश रेट तसेच 500निट्स ब्राइटनेसला सपोर्ट करतो. कंपनीनं गोरिल्ला ग्लास 3 ची सुरक्षा देखील दिली आहे. रेडमी ए3एक्स अँड्रॉइड 14 वर चालतो. यात Unisoc T603 आक्टा-कोर प्रोसेसरची टाकडे देण्यात आली आहे. सोबत 3GB RAM आणि 64GB Storage देण्यात आली आहे. ही स्टोरेज मेमरी कार्डच्या मदतीनं वाढवता येते.

फोटोग्राफीसाठी रेडमी ए3एक्स मध्ये ड्युअल रियर कॅमेरा सेटअप मिळतो. ज्यात 8 मेगापिक्सलचा मुख्य सेन्सर आहे. तर सेल्फी आणि व्हिडीओ कॉलिंगसाठी 5MP चा फ्रंट कॅमेरा मिळतो. पावर बॅकअपसाठी रेडमी 3एक्स मध्ये मोठी 5,000mAh ची बॅटरी देण्यात आली आहे. जी चार्ज करण्यासाठी 10वॉट चार्जिंग स्पीडसह यूएसबी टाइप सी पोर्ट देण्यात आला आहे. सिक्योरिटीसाठी यात फिजिकल फिंगरप्रिंट सेन्सर तसेच फेस अनलॉक फीचर आहे. हा मोबाइल 3.5mm हेडफोन जॅकला देखील सपोर्ट करतो. याची थिकनेस 8.3mm आणि वजन 193g आहे.