Samsung Galaxy M35 5G भारतीय बाजारात लाँच आला आहे. यात 6000mAh ची दणकट बॅटरी देण्यात आली आहे. त्याचबरोबर 6.6 इंचाचा सुपर AMOLED डिस्प्ले आणि 50 मेगापिक्सलचा प्रायमरी कॅमेरा असे दमदार फीचर्स मिळतात. चला जणू घेऊया सॅमसंगच्या या नव्या 5G फोनची किंमत फीचर्स आणि स्पेसिफिकेशन्स.
सॅमसंग गॅलेक्सी एम35 5जी चे स्पेसिफिकेशन्स
सॅमसंग गॅलेक्सी एम35 5जी मध्ये 6.6 इंचाचा सुपर AMOLED डिस्प्ले देण्यात आला आहे, जो FHD+ रेजोल्यूशन, 120Hz रिफ्रेश रेट आणि 1000 निट्स पीक ब्राइटनेसला सपोर्ट करतो. डिस्प्ले कॉर्निंग गोरिल्ला ग्लास विक्टस प्लस प्रोटेक्शनसह आला आहे, जो 4 पट जास्त स्क्रॅच रेजिस्टंट आणि 2.0 मीटर फॉल एंड्योरेंस देतो.
फोनमध्ये कंपनीचा Exynos 1380 चिपसेट देण्यात आला आहे. त्याचबरोबर 8GB RAM आणि 256GB इनबिल्ट स्टोरेज देण्यात आली आहे. यात व्हेपर कूलिंग चेंबर देण्यात आला आहे जो हीट डिसिपेशन आणि स्मूद गेमप्ले देतो.
कॅमेरा सेटअप पाहता, या स्मार्टफोनच्या मागे OIS सपोर्टसह 50 मेगापिक्सलचा प्रायमरी कॅमेरा, 8 मेगापिक्सलचा अल्ट्रा वाइड अँगल कॅमेरा आणि 2 मेगापिक्सलचा मॅक्रो कॅमेरा देण्यात आला आहे. तसेच याच्या फ्रंटला 13 मेगापिक्सलचा सेल्फी कॅमेरा देण्यात आला आहे.
गॅलेक्सी एम35 अँड्रॉइड 14 वर आधारित One UI 6.1 वर चालतो. कंपनी 4 अँड्रॉइड अपडेट आणि 5 सिक्योरिटी अपडेट देणार आहे. यात 6,000mAh ची बॅटरी देण्यात आली आहे जी 25W फास्ट चार्जिंगला सपोर्ट करते. ही बॅटरी दोन दिवस चालू शकते.
किंमत आणि उपलब्धता
फोनच्या 8GB रॅम व 128GB स्टोरेज व्हेरिएंटची किंमत 16,999 रुपये आणि 12GB रॅम व 256GB स्टोरेज व्हेरिएंटची किंमत 19,999 रुपये आहे. हा स्मार्टफोन सेलसाठी ई-कॉमर्स साइट अॅमेझॉनवर 20 जुलै पासून 21 जुलै पर्यंत चालणाऱ्या Amazon Prime Day Sale मध्ये उपलब्ध होईल. हा स्मार्टफोन Moonlight Blue, Daybreak Blue आणि Thunder Grey या तीन कलर ऑप्शनमध्ये उपलब्ध झाला आहे.