जिथे नदी समुद्राला मिळते
@travelsays या Instagram अकाऊंटवर अनेकदा आश्चर्यकारक व्हिडिओ पोस्ट केले जातात. नुकताच असाच एक व्हिडिओ या अकाऊंटवरुन पोस्ट करण्यात आला आहे. या व्हिडिओमध्य असं ठिकाणी दाखवण्यात आलं आहे, जिथे नदी आणि समुद्र एकमेकांना भेटतात. पण, या ठिकाणी कोणी जाण्याचा विचारही करत नाही. त्या ठिकाणी या व्यक्तीने असं काही केलं की पाहून धक्काच बसेल.
व्हायरल व्हिडिओमध्ये एक नदी प्रचंड प्रवाहासह समुद्रात जाऊन मिळताना दिसत आहे. तिथे एक व्यक्ती पोहायला जाते. ती नदीच्या प्रवाहासोबत समुद्रापर्यंत वाहत जाते. मग अचानक नदी समुद्रात जाऊन मिळते आणि तिथे पाण्याचा डोह तयार होतो आणि त्यात ही व्यक्ती पूर्णपणे दृष्टीआड होते. ती कुठे गायब झाली हे कळतंही नाही. काही लोक बाजुला उभे राहून दृश्य पाहताना दिसत आहेत. ज्याला पोहायला येत नाही त्याला तर सोडा, पण, ज्या व्यक्तीला पोहता येते ती देखील असं धाडस करण्याचा स्वप्नातही विचार करणार नाही.
या व्हायरल व्हिडिओला आतापर्यंत २ कोटींहून अधिक व्ह्यूज मिळाले आहेत तर अनेकांनी यावर कमेंट करून आपलं मत दिलं आहे. कोणी म्हणालं की आशा आहे की ती व्यक्ती नंतर सापडेी असेल. तर एका व्यक्तीने म्हटलं की ती व्यक्ती आता कधीही परत येणार नाही. त्या व्यक्तीचं असं धाडस पाहून मजा आली, कदाचित त्याला य़ाची सवय असावी कारण तो ज्याप्रकारे नदीत पोहत गेला त्यावरुन तरी हेच दिसून येतं, असंही म्हटलं.