Apple iOS 18 Vehicle Motion Cues: Apple नं एक नवीन फीचर आपल्या आयओएस18 अपडेटमध्ये दिलं आहे, ज्याचे नाव ‘व्हेईकल मोशन क्यूज’ आहे. हे फीचर चालू केल्यास जितका गाडीचा वेग असेल त्यांसुर स्क्रीनवर देखील थोडी मुव्हमेंट दिसू लागेल.
हे फीचर अॅक्टिव्ह केल्यावर ज्या वेगाने कारचा स्पीड वाढतो त्यानुसार स्क्रीनवर देखील हळुवार हालचाल होऊ लागते. यामुळे चालत्या वाहनात मोबाइल पाहताना चक्कर येण्याची समस्या कमी होईल. हे नवीन फीचर यावर्षीच्या अखेरीस सामान्य लोकांसाठी उपलब्ध होईल जेव्हा Apple, iOS 18 चं फाइनल व्हर्जन लाँच केला जाईल.
व्हेईकल मोशन क्यूज फिचर म्हणजे काय?
बऱ्याच लोकांना चालत्या कारमध्ये फोन किंवा टॅबलेट वापर केल्यास चक्कर येते किंवा उलटी येते. Apple नुसार, यामागील कारण म्हणजे आपले डोळे आरामात स्क्रीनवर काही तरी पाहत असतात परंतु आपल्या शरीराला कार पुढे जात असल्याची जाणीव असते. परंतु या दोन्हींकडून येणारे सिग्नल वेगवेगळे असल्यामुळे गाडी लागण्याची समस्या उद्बवते.
यासाठी Apple नं ‘व्हेईकल मोशन क्यूज’ नावाचं फिचर आणलं आहे. हे गाडीच्या वेगाला अनुरूप स्क्रीनवर हलणारे डॉट्स दाखवून तुमचे डोळे आणि शरीराला होणारी जाणीव यात समतोल साधण्याचा प्रयत्न करते. यामुळे फायदा होतो.
कसं वापरायचं फिचर
नवीन फीचर सध्या फक्त iOS 18 वापरणाऱ्या फोन आणि टॅबलेटवरच मिळेल. रिपोर्ट्स नुसार हे फीचर चालू करण्याचे बटन अद्याप नीट चालत नाही. जे लवकरच ठीक केलं जाईल.
- स्क्रीनच्या वरच्या बाजूला उजव्या कोपऱ्यातून खालच्या बाजूला तिरकं स्वाइप करून कंट्रोल सेंटर ओपन करा.
- कंट्रोल सेंटर कस्टमाइज करण्यासाठी कोणत्याही रिकाम्या जागी टच करून होल्ड करा.
- खाली ‘Add Controls’ वर टॅप करा.
- वरच्या बाजूला स्वाइप करून ‘Vision Accessibility’ कंट्रोल पर्यंत जा आणि त्यानंतर “Vehicle Motion Cues” ची निवड करा.
- कस्टमाइजेशन मोड मधून से बाहयेऊन कंट्रोल सेंटरमध्ये कोणत्याही रिकाम्या जागी टच करून होल्ड करा.
- ‘Vehicle Motion Cues’ बटन प्रेस करा आणि नंतर “On” किंवा “Only in Vehicle” निवडा.