Vivo Y28s 5G: 14 हजारांत आला विवोचा तगडा फोन; असे आहेत फीचर्स

Vivo Y28s 5G कंपनीनं गेल्या आठवड्यात जागतिक बाजारात सादर केला होता. फोन आता भारतात ऑफलाइन मार्केटमध्ये देखील आला आला आहे. कंपनी नुसार हा बाजारातील सर्वात अफॉर्डेबल 5G फोन आहे ज्यात सेग्मेंटच्या इतर स्मार्टफोन्सच्या तुलनेत सर्वात ब्राइट डिस्प्ले मिळतो. फोनमध्ये 6.5 इंचाचा LCD डिस्प्ले आहे ज्यात 840 निट्स पीक ब्राइटनेस देण्यात आली आहे. यात HD प्लस रिजॉल्यूशन आहे आणि 90Hz रिफ्रेश रेट देण्यात आला आहे. चला जाणून घेऊया याची किंमत आणि इतर फीचर्स.

Vivo Y28s 5Gची किंमत

Vivo Y28s 5G ची भारतीय ऑफलाइन मार्केटमध्ये किंमत 4 जीबी रॅम, 128 जीबी स्टोरेज व्हेरिएंटसाठी 13,999 रुपये आहे. तसेच, 6 जीबी रॅम, 128 जीबी स्टोरेज व्हेरिएंट 15,499 रुपयांमध्ये विकत घेता येईल. तर 8 जीबी रॅम, 128 स्टोरेज जीबी मॉडेल 16,999 रुपयांमध्ये विकत घेता येईल. फोन पर्पल आणि ब्लू कलर्स मध्ये उपलब्ध होईल.iQOO Z9 Lite 5G: 6GB रॅमसह येतोय भारतात आयकूचा स्वस्त 5जी फोन भारतात; लाँच डेट आली समोर, किंमतीचाही खुलासा

Vivo Y28s चे स्पेसिफिकेशन्स

Vivo Y28s 5G मध्ये 6.5 इंचाचा LCD डिस्प्ले वॉटरड्रॉप नॉचसह येतो. याची चिन जाडी आहे. डिस्प्लेमध्ये HD+ रिजॉल्यूशन देण्यात आला आहे आणि 90Hz चा रिफ्रेश रेट आहे. हा 840 निट्स पीक ब्राइटनेसला सपोर्ट करतो. सिक्योरिटीसाठी साइड माउंटेड फिंगरप्रिंट स्कॅनर देण्यात आला आहे. फोन कंपनीनं IP64 रेटिंगसह बाजारात आणला आहे, त्यामुळे काही प्रमाणात पाण्यापासून वाचतो.

कॅमेरा सेगमेंट पाहता, 50 मेगापिक्सलचा मेन कॅमेरा आहे, त्याचबरोबर 2 मेगापिक्सलच्या सेकंडरी सेन्सरचा सपोर्ट देण्यात आला आहे. फ्रंटला 8 मेगापिक्सलचा कॅमेरा आहे. यात नाइट मोड आणि बिल्ट-इन फिल्टर देखील देण्यात आले आहेत. चिपसेट MediaTek Dimensity 6300 आहे. त्याचबरोबर 8 जीबी पर्यंत रॅम, आणि 128 जीबी पर्यंत स्टोरेज देण्यात आली आहे. ही मायक्रो एसडी कार्डच्या मदतीनं 1TB पर्यंत वाढवता येते.

फोनची बॅटरी कपॅसिटी 5000mAhची आहे त्याचबरोबर 15W फास्ट चार्जिंगचा सपोर्ट आहे. फोन Android 14 आधारित Funtouch OS 14 वर चालतो. कनेक्टिव्हिटी ऑप्शन्समध्ये ड्युअल बँड WiFi, Bluetooth, 5G, USB-C पोर्ट, आणि 3.5mm हेडफोन जॅक पण आहे.